Ukrayna erməni rejissoruna qadağa qoydu
Ukrayna Rusiyanın tanınmış teleaparıcısı Tiqran Kosayanın ölkəyə gəlişini yasaqlayıb.
Musavat.com xarici agentliklərə xəbər verir ki, bu barədə Ukrayna Xarici İşlər Nazirliyinin rəsmi nümayəndəsi Oleq Nikolenko “tvitter”də məlumat yayıb.
Məlum olub ki, Tiqran Kosayan, onun arvadı, Rusiyanın qara təbliğat maşınlarından “Russia Today” kanalın baş redaktoru Marqarita Simonyan və jurnalist Roman Babayan Ukraynanın işğal olunmuş Donetsk şəhərində keçirilən “Russkiy Donbass” adlı forumda iştirak ediblər.
“Rusiyanın qara təbliğatçıları Donetskə gəliblər. Yəqin ki, işğal altında olan Ukrayna ərazilərindəki “Rus dünyası” nın bağları o qədər də sarsılmaz deyil”,-deyə O.Nikolenko yazıb.
Qeyd etmək lazımdır ki, adları çəkilən digər iki erməni jurnalist çoxdan rəsmi Kiyevin “qara siyahısı”nda olub. Onların hər ikisi rəhbərlik etdikləri kanal və proqramlarda Ukrayna xalqını, onun dövlətini təhqirlə məşğuldurlar.
Bundan başqa, Ukrayna Mədəniyyət nazirliyi rusiyalı müğənni Alyona Apinanı “ölkənin milli təhlükəsizliyini təhdid edən” mədəniyyət xadimlərinin siyahısına daxil edib.
Short URL: https://www.cumhuriyyet.net/?p=160377