Saakaşvili Ukraynaya ekstradisiyadan imtina edəcək

05.10.2021 - 09:59

 

Saakaşvili Ukraynaya ekstradisiyadan imtina edəcək

 

Gürcüstanın keçmiş prezidenti Mixail Saakaşvili Ukraynaya ekstradisiyadan imtina edəcək.

Bu barədə siyasətçinin vəkili Giorgi Çiviaşvili bildirib.

Bazar ertəsi səhər saatlarında Saakaşvilinin mənafelərinin müdafiəçiləri Dmitri Sadzaqlişvili və Giorgi Çiviaşvili Rustavi həbsxanasında müvəkkilləri ilə ilk görüşü keçiriblər.

“O, aclıq aksiyasına davam edir və mübarizənin davamını bu formada ifadə etdiyinə inanır. Onun mövqeyi mübarizənin davam etməsidir… Ekstradisiya məsələsinə gəlincə, Mixail Saakaşvilinin bu mövzuda mövqeyi ondan ibarətdir ki, o, Gürcüstana, vətəninə gəlib və biz siyasi mübarizə planlaşdırırıq. Çox güman ki, o ekstradisiyadan imtina edəcək”, – deyə Çiviaşvili qeyd edib.

Qanunsuz olaraq Gürcüstana gələn ölkənin üçüncü prezidenti oktyabrın 1-də axşam Tbilisidə həbs edilib. O, vəzifədə sui-istifadədə ittiham olunur, onun barəsində iki iş üzrə artıq qiyabi olaraq hökm çıxarıb, bu da 6 ilə qədər həbs cəzası nəzərdə tutur, qalan işlərə isə baxılır.

Tezliklə onun barəsində dövlət sərhədini qanunsuz keçməklə bağlı başqa bir ittiham irəli sürüləcək. Gürcüstan Prokurorluğu bəyan edir ki, Saakaşvilinin Ukraynaya ekstradisiyası məsələsinə baxılmır və o, cəzasını ölkəsində çəkməli olacaq.

Daha əvvəl Gürcüstanın baş naziri İrakli Qaribaşvili Saakaşviliyə qarşı ağır ittiham səsləndirib. Xüsusilə, baş nazirə görə, Saakaşvili və komandası iğtişaşlara səbəb olmaq və ölkə hakimiyyətini günahlandırmaq üçün gürcüstanlı müxalifətçilərin ölümünü planlaşdırıblar.

https://i0.wp.com/www.cumhuriyyet.net/wp-content/plugins/sociofluid/images/google_16.png?w=500&ssl=1 https://i0.wp.com/www.cumhuriyyet.net/wp-content/plugins/sociofluid/images/facebook_16.png?w=500&ssl=1 https://i0.wp.com/www.cumhuriyyet.net/wp-content/plugins/sociofluid/images/yahoobuzz_16.png?w=500&ssl=1 https://i0.wp.com/www.cumhuriyyet.net/wp-content/plugins/sociofluid/images/twitter_16.png?w=500&ssl=1

Short URL: https://www.cumhuriyyet.net/?p=167318

XƏBƏR LENTİ

virtual_roadi

Рейтинг@Mail.ru

Redaktor: Xan Tural
Telefon:077 333 90 09
E-mail:cumhuriyyetqezeti@gmail.com;
Sayt "Yeni Cumhuriyyət" qəzetinin rəsmi internet saytıdır.
Saytın yazılarından istifadə olunan zaman istinad və yazının linkinin göstərilməsi zəruridir
Hazırladı - "QURDQANLI" DSGN

en son xeberler

Avqust 2022
BE ÇA Ç CA C Ş B
1234567
891011121314
15161718192021
22232425262728
293031