İrəvandakı aksiyada Köçəryanın oğlu SAXLANILDI
İrəvanda keçirilən etiraz aksiyası zamanı polis əməkdaşları Ermənistanın ikinci prezidenti Robert Köçəryanın kiçik oğlu Levon Köçəryanı saxlayıblar.
Cumhuriyyet.az Ermənistan KİV-nə istinadən xəbər verir ki, bu barədə Levon Köçəryan Facebook səhifəsində yazıb.
Kiçik Köçəryan bildirib ki, onu Nor Nork rayonundakı polis bölməsinə aparıblar.
Ermənistan polisinin yaydığı məlumata görə, İrəvan küçələrində nəqliyyatın hərəkəti artıq bərpa olunub.
“Bu gün səhər saatlarında İrəvanın bir sıra küçələrində yolayrıcları bağlanaraq etiraz aksiyaları keçirilib. Polisin çevik tədbirləri sayəsində yolayrıcları qısa müddətdə açılıb, tıxaclar aradan qaldırılıb. Hazırda küçələrdə müntəzəm hərəkət rejimi yaradılıb”, – məlumatda deyilir.
Short URL: https://www.cumhuriyyet.net/?p=174410