Fransadan qıtlıq XƏBƏRDARLIĞI
Fransa hökuməti vətəndaşlara qışa indidən hazırlaşmağı təklif edib.
Cumhuriyyet.az xəbər verir ki, Milli Assambleyanın deputatı İzabell Valantin ölkədə rekord dərəcədə aşağı yanacaq ehtiyatı olduğunu açıqlayıb.
“Ukraynada münaqişə başlayandan müxtəlif resursların çatışmazlığı artır. Yarımkeçiricilər, xammallar, dənli bitkilər… Çoxsaylı sektorlar təsirlənir, bu da ümumi qiymət artımına səbəb olur. Bu, davamlı olaraq bahalaşan qalıq yanacaqlara da aiddir, hansı ki, ehtiyatları rekord səviyyədə aşağı səviyyədədir”, – deyə Valantin bildirib.
Deputat əlavə edib ki, hazırda energetika sahəsində vəziyyət nəzarət altında olsa da, qışda bu, idarəolunmaz hala gələ bilər, bahalaşma isə vətəndaşların alıcılıq qabiliyyətinə təsir göstərəcək. O, bu səbəbdən indidən qışa daha yaxşı hazırlaşmaq üçün istehlakçılara 2022-ci ilin payızında ehtiyatı bərpa etmək üçün mexanizm hazırlamağı təklif edib.
Short URL: https://www.cumhuriyyet.net/?p=180653
