“Çətin də olsa, Putinlə görüşməliyik” – Almaniya lideri

Almaniya kansleri Olaf Şolts Rusiya Prezidenti Vladimir Putinlə dialoqun davam etdirilməsini vacib hesab edir.

Cumhuriyyet.az xəbər verir ki, bu barədə kansler isveçli jurnalistlərlə söhbəti zamanı bildirib.

Almaniya kansleri birbaşa ünsiyyətin zəruriliyini belə izah edib: “Putin ondan nə tələb etdiyimizi bilməlidir. Buna görə də, üz-üzə görüşmək zəruridir. Bu çətin olsa da, böhran zamanı ünsiyyəti saxlamaq lazımdır”.

Almaniya lideri, həmçinin qeyd edib ki, o, Putinin birbaşa mesajlar almasını və Ukraynaya qarşı müharibənin məsuliyyətini öz üzərinə götürməsini istəyir.

Short URL: https://www.cumhuriyyet.net/?p=180778