Zelenski və Rəisi Ərdoğana zəng etdi
07.02.2023 - 17:22
Ukrayna Prezidenti Vladimir Zelenski və İran dövlət başçısı İbrahim Rəisi türkiyəli həmkarları Rəcəb Tayyib Ərdoğana zəng ediblər.
Cumhuriyyet.az xəbər verir ki, bu barədə Ərdoğanın mətbuat xidmətindən bildirilib.
Qeyd olunub ki, onlar Türkiyədəki zəlzələdə həlak olmuş şəxslərlə bağlı Ərdoğana başsağlığı veriblər.
Qeyd edək ki, fevralın 6-da səhər saatlarında Türkiyədə baş vermiş 7,7 maqnitudalı zəlzələ nəticəsində 3 549 nəfər insan həlak olub, 22 168 nəfər yaralanıb, həmçinin təbii fəlakət nəticəsində 5 775 bina dağılıb.
Short URL: https://www.cumhuriyyet.net/?p=187656
