Qarabağda qondarma “seçkilərin” favoritləri: “Bir qarış da olsun torpaq vermərik…” – Bakının buna cavab variantı var

17.03.2020 - 10:45

İşğal altındakı Dağlıq Qarabağda qondarma “prezident seçkiləri” kampaniyasının əsas favoritləri “bir qarış da olsun torpaq qaytarmamaq” şüarlarından çıxış edirlər.

Virtualaz.org erməni KİV-lərinə istinadən xəbər verir ki, qondarma “dqr hökumətinin” keçmiş rəhbəri, yerli oliqarx Araik Arutyunyan münaqişənin həllinin yaxın vaxtlarda mümkün olmayacağını deyir və işğal altındakı ərazilərdə kənd təsərrüfatı işlərini genişləndirəcəyini vəd edir.

“Arminfo” agentliyinin “Münaqişə necə həll edilməlidir?” sualına cavab olaraq Araik Arutyunyan deyib: “Bizim yanaşmamız belədir-düşmənə bir qarış da olsun torpaq qaytarmaq olmaz. Münaqişənin digər nizamlama variantını mən görmürəm”.

Arutyunyan onu da deyib  ki, “prezident” seçilərsə işğal edilmiş ərazilərdə bağçılığı genişləndirmək, sonrakı 5 ildə 10 min hektar ərazidə meyvə bağları saldırmaq niyyətindədir.

“Dqr prezidentliyinə” digər iddiaçı, keçmiş səhra komandiri və general Vitali Balasanyan isə daha “diplomatik” danışıb. Deyib ki, Azərbaycanla danışıqlar prosesində erməni tərəfinin başlıca məqsədi “hərtərəfli sülh razılaşmasının” imzalanması olmalıdır. Onun fikrincə, yalnız sülh müqaviləsinin imzalanmasından sonra danışıqlar masasına oturub hansısa məsələləri həll etmək olar.

Dağlıq Qarabağdakı separatçı rejimin nümayəndələrinin “bir qarış da olsun torpaq qaytarmamaq” ritorikası əslində yeni deyil. Lakin məsələ bundadır ki, bu yanaşma əvvəllər hansısa səhra komandirləri və ifrat populistlər tərəfindən ortaya qoyulurdusa indi Ermənistanın rəhbərliyi də faktiki olaraq belə avantürist yanaşmadan çıxış etməkdədir. “Bir qarış da olsun torpaq qaytarmamaq” şüarı baş nazir Paşinyanın komandasının üzvləri və müxtəlif formalarda onun özü tərəfindən də dəfələrlə irəli sürülüb. Ona görə də bu vəziyyət rəsmi Bakının münaqişənin həllinə dair yanaşmasında bəzi korrektələri zəruri edir. Nə qədər ki, Ermənistanda və işğal altındakı ərazilərdə “bir qarış da olsun torpaq qaytarmamaq” barədə danışanlar var, Azərbaycan tərəfinin buna cavabı belə ola bilərdi: Dağlıq Qarabağ üçün heç bir status nəzərdə tutmur və bu region da ətraf ərazilərlə birlikdə, heç bir yüksək muxtariyyət statusu almadan Bakının nəzarəti altına qaytarılmalıdır.

Virtualaz.org

https://www.cumhuriyyet.net/wp-content/plugins/sociofluid/images/google_16.png https://www.cumhuriyyet.net/wp-content/plugins/sociofluid/images/facebook_16.png https://www.cumhuriyyet.net/wp-content/plugins/sociofluid/images/yahoobuzz_16.png https://www.cumhuriyyet.net/wp-content/plugins/sociofluid/images/twitter_16.png

Short URL: https://www.cumhuriyyet.net/?p=144104

XƏBƏR LENTİ

virtual_roadi

Рейтинг@Mail.ru

Baş redaktor: Nəsimi Şərəfxanlı
Telefon:077 333 90 09
E-mail:cumhuriyyetqezeti@gmail.com;
Sayt "Yeni Cumhuriyyət" qəzetinin rəsmi internet saytıdır.
Saytın yazılarından istifadə olunan zaman istinad və yazının linkinin göstərilməsi zəruridir
Hazırladı - "QURDQANLI" DSGN
Mart 2020
BE ÇA Ç CA C Ş B
« Fev    
 1
2345678
9101112131415
16171819202122
23242526272829
3031