Əliyev – Paşinyan görüşü: Şuşada döyüşmüş şair canlı yayında…
Dövrümüzün öz Xətailəri yaranır. Onlar bir əldə qələm, bir əldə silah yağıya qarşı döyüşüblər.
Necə ki Şah İsmayıl Xətai həm şeirlər yazırdı, həm əldə qılınc mübarizə aparırdı, bizim də Vətən müharibəsində bu qəbildən qəhrəmanlarımız var.
Onlardan biri baş leytenant, Şuşada döyüşmüş gənc, istedadlı şair Emin Piridir. O, həm də “Ədalət” qəzetinin yazarıdır.
Müharibəyə gedəndə anası onun başına xına qoyaraq yola salıb. Bunu özü deyir. İndi evinə sağ-salamat, Şuşanı erməni terrorçularından azad edərək qayıdıb.
Bu gün “TV Musavat”ın canlı yayımında, “Həftə içi” proqramında, saat 15:30-da Emin Piri aparıcı Emil Salamoğlunun qonağıdır. Gənc qazi şair döyüş yolundan, Qarabağ gündəliyindən, orada yaşadıqlarından danışacaq.
Eyni zamanda Prezident İlham Əliyevlə Ermənistanın baş naziri Nikol Paşinyanın Moskva görüşünü müzakirə edəcəyik.
Verilişi aşağıdakı linklər vasitəsilə izləyə bilərsiniz.
Short URL: https://www.cumhuriyyet.net/?p=159634
