Ermənistan buna məcburdur – POLİTOLOQ

06.09.2021 - 19:02

 

Ermənistan buna məcburdur - POLİTOLOQ

 

“Ermənistan hökuməti sülh müqaviləsinin imzalanması ilə bağlı hazırlıqlar gördüklərini bəyan etdi. Ancaq onlara tam inanmaq olmaz, çünki ermənilər əsası olmayan və təxribat yönümlü çıxışlar edir”.

Bunu açıqlamasında politoloq Qabil Hüseynli deyib.

Politoloq qeyd edib ki, Ermənistan rəsmiləri Qarabağla bağlı sərsəm çıxışlar edir: “Ermənilər çıxış edərkən siyasi-etik qaydalara riayət etmirlər. Sergey Lavrov isə Qarabağda müharibənin bitdiyini və Ermənistanla Türkiyə arasında əlaqələrin yaradılmasının zəruriliyini bildirib. Müharibənin bitməsinə baxmayaraq hələ demarkasiya və delimitasiya işləri yekunlaşmayıb. Qazaxın yeddi və Naxçıvanın bir kəndi Azərbaycana geri qaytarılmayıb. Ermənilər tərəfindən Qarabağ haqqında qaldırılan əsassız iddialar sülh danışıqlarının önünü kəsən ən böyük maneələrdən biridir. Çünki bu məsələlər gərginlik yaradan amillərdəndir. Ermənilərin sülh müqaviləsi üçün şərt irəli sürmələri kifayət qədər mənasızdır”.

Q.Hüseynli vurğulayıb ki, sülh müqaviləsinin bağlanması üçün Ermənistan bizimi ərazi bütövlüyümüzü tanımalıdır: “Bölgədə komunikasiya xətlərinin açılması ilə bağlı razılaşma əldə olunmalıdır. Bu məsələlər Moskva görüşündə də vurğulanıb, ancaq ermənilər gerçəkliyə uyğun olmayacaq şərtlər irəli sürürlər. Ermənistan özünü “sülh göyərçini” kimi göstərməyə çalışır, amma kənar qüvvələrin təhriki ilə sülh müqaviləsinə mane olacaq bəyanatlar səsləndirir. Bütün bunlara baxmayaraq Azərbaycan sülhə hazırdır və bölgədə gərginliyin sonlanması tərəfdarıdır. Biz Laçın koridoru üzərində öz nəzarətimizi gücləndirməliyik və Rusiya sülhməramlıları da bilməlidir ki, bu ərazilər Azərbaycana məxsusdur. Ermənistan bizim ərazi bütövlüyümüzü tanımalı və buna hörmət göstərmək məcburiyyətindədir”.

https://i0.wp.com/www.cumhuriyyet.net/wp-content/plugins/sociofluid/images/google_16.png?w=500&ssl=1 https://i0.wp.com/www.cumhuriyyet.net/wp-content/plugins/sociofluid/images/facebook_16.png?w=500&ssl=1 https://i0.wp.com/www.cumhuriyyet.net/wp-content/plugins/sociofluid/images/yahoobuzz_16.png?w=500&ssl=1 https://i0.wp.com/www.cumhuriyyet.net/wp-content/plugins/sociofluid/images/twitter_16.png?w=500&ssl=1

Short URL: https://www.cumhuriyyet.net/?p=166593

XƏBƏR LENTİ

virtual_roadi

Рейтинг@Mail.ru

Redaktor: Xan Tural
Telefon:077 333 90 09
E-mail:cumhuriyyetqezeti@gmail.com;
Sayt "Yeni Cumhuriyyət" qəzetinin rəsmi internet saytıdır.
Saytın yazılarından istifadə olunan zaman istinad və yazının linkinin göstərilməsi zəruridir
Hazırladı - "QURDQANLI" DSGN
Oktyabr 2021
BE ÇA Ç CA C Ş B
 123
45678910
11121314151617
18192021222324
25262728293031