İlk ödənişli yol bu il istifadəyə veriləcək

21.02.2020 - 20:28

Azərbaycan Avtomobil Yolları Dövlət Agentliyinin sədri Saleh Məmmədov Bakı-Quba, Ələt-Astara yollarının təmirindən danışıb. 

“Qafqazinfo”nun verdiyi xəbərə görə, S.Məmmədov bildirib ki, Bakı-Quba-Rusiya avtomobil yoluna paralel olaraq Hacı Zeynalabdin Tağıyev qəsəbəsindən Rusiya sərhədinə kimi yolun 100 kilometr hissəsi bu il tam çəkilib əhalinin istifadəsinə veriləcək:

“Bu yol beton yola paralel çəkiləcək və Azərbaycanda ilk ödənişli yol kimi əhalinin istifadəsinə veriləcək. Bu yol istifadəyə verildikdən sonra indiki beton yolun təmirinə başlanılacaq.

Bundan başqa Bakı-Ələt-Astara-İran yolu iki il əvvəl istifadəyə verilib. Lakin İranla sərhəddə Astara çayı üzərində körpünün tikintisi həyata keçirilmədiyi üçün yolun birləşdirilməsi başa çatmamışdı. Artıq İran Prezidenti ilə Prezident İlham Əliyevin görüşündə bu körpünün tikilməsi razılaşdırılıb. Çox güman ki, bu il həmin körpü tikilərək istifadəyə veriləcək. Bununla da Astara rayonunun daxili yollarından istifadə etmədən İrana gediş-gəliş təmin ediləcək”.

***

S.Məmmədov qeyd edib ki, bu il ərzində 36 respublika əhəmiyyətli yol, 12 Bakı şəhərinin rayon və qəsəbə yollarının abadlaşdırılmasına sərmayə qoyulub: “Ən böyük layihələrdən biri Gəncədən Gürcüstan sərhədinə qədər olan avtomobil yolunun ikinci texniki dərəcədən birinci texniki dərəcəyə keçirilməsidir. 4 hərəkət zolağına keçirilməsi layihəsinin bəzi lotlarda yekunlaşdırılmasını planlaşdırırıq.

Həmçinin, bu ilin sonuna Bakı-Şamaxı-Yevlax avtomobil yolunun Xaldan qəsəbəsindən ayrılaraq, Gürcüstan sərhədinə qədər Xaldan-Şəki-Mazımçay gömrük məntəqəsinədək olan avtomobil yolunun Xaldan-Şəki hissəsinin 54 kilometr çəkilib başa çatdırılması nəzərdə tutulub. Bundan əlavə, respublika əhəmiyyətli Ucar-Zərdab-Ağcabədi avtomobil yolunun 68 kilometr hissəsinin ilin sonunadək çəkilməsi planlaşdırılır”.

https://i0.wp.com/www.cumhuriyyet.net/wp-content/plugins/sociofluid/images/google_16.png?w=500&ssl=1 https://i0.wp.com/www.cumhuriyyet.net/wp-content/plugins/sociofluid/images/facebook_16.png?w=500&ssl=1 https://i0.wp.com/www.cumhuriyyet.net/wp-content/plugins/sociofluid/images/yahoobuzz_16.png?w=500&ssl=1 https://i0.wp.com/www.cumhuriyyet.net/wp-content/plugins/sociofluid/images/twitter_16.png?w=500&ssl=1

Short URL: https://www.cumhuriyyet.net/?p=143023

XƏBƏR LENTİ

virtual_roadi

Рейтинг@Mail.ru

Telefon:077 333 90 09
E-mail:cumhuriyyetqezeti@gmail.com;
Sayt "Yeni Cumhuriyyət" qəzetinin rəsmi internet saytıdır.
Saytın yazılarından istifadə olunan zaman istinad və yazının linkinin göstərilməsi zəruridir
Hazırladı - "QURDQANLI" DSGN

en son xeberler

Mart 2024
BE ÇA Ç CA C Ş B
 123
45678910
11121314151617
18192021222324
25262728293031