Murad Heydərov: “Azərbaycan qazının TAP ilə nəqlinə ilin sonunda başlanacaq”

18.11.2020 - 15:55

“Azərbaycan təbii qazını Avropaya nəql edəcək Trans-Adriatik Qaz Boru Kəmərinin (TAP) rəsmi olaraq artıq istismarına başlanılıb. Ancaq bu, qaz tədarükünü həyata keçirilməsi demək deyil”.

Bunu “Report”a açıqlamasında TAP konsorsiumunun Direktorlar Şurasının sədri Murad Heydərov bildirib.

Onun sözlərinə görə, təbii qazın tədarükü alış-satış haqqında sazişlərə əsasən həyata keçirilir: ““Azerbaijan Gas Supply Company” (AGSC) şirkətinin Yunanıstan, Albaniya və İtaliya bazarları üçün mövcud olan çoxsaylı müqavilələrinə əsasən, təbii qazın tədarükünə ilin sonunda başlanılacaq”.

M. Heydərov qeyd edib ki, hazırda boru kəməri sisteminin sınaqdan keçirilməsi işləri davam etdirilir: “Eyni zamanda, təbii qazın alıcılarının da sistemi sınaqdan keçirilir. Təbii qazın alıcıları qazın qəbul edilməsi və istehlakçılara çatdırılması prosesini sınaqdan keçirilməlidir. Bu səbəbdən də Azərbaycan təbii qazının bu boru kəməri ilə nəqlinə ilin sonunda başlanılacaq”.

Qeyd edək ki, Yunanıstanla Türkiyə sərhədindəki Kipoy kəndi yaxınlığında Trans-Anadolu boru kəmərinə (TANAP) qoşulan TAP Yunanıstan, Albaniya ərazisindən keçərək Adriatik dənizinin dibi ilə İtaliyanın cənubunadək uzanacaq. 2013-cü il iyunun 28-də “Şahdəniz” konsorsiumu tərəfindən rəsmi olaraq seçildiyi açıqlanan TAP kəmərinin uzunluğu 878 kilometrdir. Onun təməlatma mərasimi 17 may 2016-cı il tarixində Yunanıstanın Saloniki şəhərində keçirilib. Bunun 550 kilometri Yunanıstan, 215 kilometri Albaniya ərazisinin, 105 kilometri Adriatik dənizi dibinin, 8 kilometri İtaliya ərazisinin payına düşür. Marşrutun Albaniya ərazisində yerləşən ən hündür nöqtəsi 1 800 metr yüksəklikdə, dəniz dibindəki ən alçaq nöqtəsi 820 metr dəniz səviyyəsindən aşağıdır.

https://i0.wp.com/www.cumhuriyyet.net/wp-content/plugins/sociofluid/images/google_16.png?w=500&ssl=1 https://i0.wp.com/www.cumhuriyyet.net/wp-content/plugins/sociofluid/images/facebook_16.png?w=500&ssl=1 https://i0.wp.com/www.cumhuriyyet.net/wp-content/plugins/sociofluid/images/yahoobuzz_16.png?w=500&ssl=1 https://i0.wp.com/www.cumhuriyyet.net/wp-content/plugins/sociofluid/images/twitter_16.png?w=500&ssl=1

Short URL: https://www.cumhuriyyet.net/?p=157434

XƏBƏR LENTİ

virtual_roadi

Рейтинг@Mail.ru

Baş redaktor: Nəsimi Şərəfxanlı
Telefon:077 333 90 09
E-mail:cumhuriyyetqezeti@gmail.com;
Sayt "Yeni Cumhuriyyət" qəzetinin rəsmi internet saytıdır.
Saytın yazılarından istifadə olunan zaman istinad və yazının linkinin göstərilməsi zəruridir
Hazırladı - "QURDQANLI" DSGN
Dekabr 2020
BE ÇA Ç CA C Ş B
 123456
78910111213
14151617181920
21222324252627
28293031