Azərbaycanda pensiyaçıların sayı sürətlə azalır -ARAŞDIRMA
“1995-ci ildə Azərbaycanda hər 1000 nəfərə düşən əmək pensiyaçılarının sayı 106 nəfər olduğu halda 2024-cü ildə 69 nəfərə düşüb”. Gununsesi.info–nun xəbərinə görə, bunu araşdırmaçı jurnalist Allahverdi Aydın yazıb.
O, daha sonra əlavə edib: Əmək və Əhalinin Sosial Müdafiəsi Nazirliyinin “əzimkar fəaliyyəti” sahəsində Azərbaycan regionda nəinki Ermənistan və Gürcüstana, hətta Türkmənistana da həsəd aparmağa başlayıb. “Möhtəşəm” pensiya islahatlarınız sahəsində gəlib çıxdığımız mərhələ budur: Pensiya ödənişi müddətinə görə regionun autsayderinə çevrilmişik.
1995-ci ildə Azərbaycanda hər 1000 nəfərə düşən əmək pensiyaçılarının sayı 106 nəfər olduğu halda 2024-cü ildə 69 nəfərə düşüb. 1995-ci ildə ölkə əhalisi 7,6 milyon nəfər, əmək pensiyaçılarının sayı 813 min nəfər olub. 30 ildən sonra – 2024-cü ildə ölkə əhalisi 10,2 milyon nəfərə yüksəlib, amma əmək pensiyaçılarının sayı 701 min nəfərə düşüb…
Short URL: https://www.cumhuriyyet.net/?p=199702
