Bu şəxslər dövlətdən hər ay 172 manat ala bilər – AÇIQLAMA

14.06.2024 - 11:54

“Məşğulluq haqqında qanuna edilən dəyişikliyə əsasən, iş axtaran və peşə təhsilindən istifadə etmək istəyən vətəndaşlarımıza minimum əməkhaqqının 50 faizi həcmində (172 manat) təqaüd veriləcək”. Musavat.com xəbər verir ki, bu sözləri BAKU.WS-ə açıqlamasında millət vəkili Vüqar Bayramov bildirib.

Onun sözlərinə görə, məqsəd həm daha çox vətəndaşımızın peşə təhsilinə cəlb edilməsi, həm də onların işlə təmin olunmasına nail olmaqdan ibarətdir:

“İlkin qiymətləndirməyə görə, bu, təxminən 15 min vətəndaşımızın peşə təhsilinə cəlb edilməsinə imkan verəcək və həmin vətəndaşlarımız minimum əməkhaqqının – 345 manatın 50 faizi həcmində təqaüd almaq imkanına malik olacaqlar. Bir tərəfdən peşənin öyrənilməsi, digər tərəfdən isə təqaüdün verilməsi onların daha qısa zamanda əmək bazarına daxil olmasına və işlə təmin olunmasına imkan yaradacaq.

Yeni dəyişikliklər daha çox vətəndaşımızın təqaüd alması və işlə təmin olunmasına imkan yaradacaq. Nəzərə alsaq ki, peşə təhsilinin genişləndirilməsi və vətəndaşlarımızın peşə təhsili vasitəsilə işlə təmin edilməsi də prioritet olaraq aparılmaqdadır. Peşə təhsilində ixtisasların siyahısının genişləndirilməsi, müddətinə baxılması əksər peşə təhsili üzrə altı ay, yeni ixtisaslar üzrə 1 və ya 2 il ola bilir. Ona görə də genişləndirilmiş ixtisas fənnlərinin tətbiq edilməsi peşə təhsilində iştirak edən vətəndaşlarımızın sayının artması ilə yanaşı, həm onların əmək bazarında daha qısa zamanda işlə təmin olunmasına və dayanıqlı iş təminatına imkan yarada bilər. Bu da təbii ki, məşğulluğun genişləndirilməsi baxımından çox vacibdir”.

Qeyd edək ki, iş axtaran vətəndaşlar öncə peşə təhsili və ya hazırlıq proqramına qoşulmaq üçün müvafiq tədris müəssisəsinə və ya peşə hazırlığı mərkəzinə müraciət etməlidirlər. Müraciət zamanı tələb olunan sənədləri təqdim etməlidirlər.

Bu sənədlər adətən aşağıdakılardan ibarət ola bilər:

  • Şəxsiyyət vəsiqəsi
  • Təhsil haqqında sənədlər
  • İşsiz statusunu təsdiq edən sənəd (məsələn, Dövlət Məşğulluq Agentliyindən alınan sənəd)

Təqaüd almaqla bağlı Dövlət Məşğulluq Agentliyinə və ya müvafiq tədris müəssisələrinə müraciət etmək lazımdır.

https://i0.wp.com/www.cumhuriyyet.net/wp-content/plugins/sociofluid/images/google_16.png?w=500&ssl=1 https://i0.wp.com/www.cumhuriyyet.net/wp-content/plugins/sociofluid/images/facebook_16.png?w=500&ssl=1 https://i0.wp.com/www.cumhuriyyet.net/wp-content/plugins/sociofluid/images/yahoobuzz_16.png?w=500&ssl=1 https://i0.wp.com/www.cumhuriyyet.net/wp-content/plugins/sociofluid/images/twitter_16.png?w=500&ssl=1

Short URL: https://www.cumhuriyyet.net/?p=201372

XƏBƏR LENTİ

virtual_roadi

Рейтинг@Mail.ru

Telefon:077 333 90 09
E-mail:cumhuriyyetqezeti@gmail.com;
Sayt "Yeni Cumhuriyyət" qəzetinin rəsmi internet saytıdır.
Saytın yazılarından istifadə olunan zaman istinad və yazının linkinin göstərilməsi zəruridir
Hazırladı - "QURDQANLI" DSGN

en son xeberler

İyul 2024
BE ÇA Ç CA C Ş B
1234567
891011121314
15161718192021
22232425262728
293031