Pirverdiyev sabiq deputatla şərikli biznesə başladı – Foto

04.10.2018 - 11:07

Uzun müddət Qaçqınların və Məcburi Köçkünlərin İşləri üzrə Dövlət Komitəsinin nəzdində olan Məcburi Köçkünlərin Sosial İnkişaf Fondunun direktoru vəzifəsində çalışmışdır

Həmçinin 81 saylı Beyləqan seçki dairəsindən Milli Məclisin deputatı olan Ayaz Orucovla bağlı AzFakt.com-a ilginc məlumatlar daxil olub.

Sabiq deputat 1 ilə yaxındır Türkiyə dövlətində ciddi şəkildə biznesə girişib.

Türkiyədə fəaliyyət göstərən əmlak saytının verdiyi məlumata görə 2017-ci ilin aprel ayında Ayaz Orucovla Cem Aktaş adlı şəxs nizamnamə kapitalı 50 TL olan Algima İnşaat Şirkəti yaradıblar. İstanbul şəhərində fəaliyyətə başlayan Algima İnşaat Şirkətinin saytında əsasən böyük mənzillərin, ofislərin, villaların, torpaq sahələrinin alışı-satışı ilə məşğul olmaları barədə məlumat verilir. Ancaq son 6 ayda adı çəkilən şirkətin İstanbul şəhərində hündürmərtəbəli yaşayış binalarının tikintisinə başladığı bildirilir.

Algima İnşaat Şirkətinin qurulmasında Ayaz Orucovun rəsmi şəriki kimi adı keçən Cem Aktaş əslində formal şəxsdir.

Sadəcə Türkiyə qanunlarına görə qurulan şirkətlərin qurucu rəhbərliyi ölkə vətəndaşı olması vacibdir. Məhz buna görə Ayaz Orucov Cem Aktaş adlı şəxsi Algima İnşaat Şirkətinin qurucusu kimi özünə şərik seçib.

Sabiq deputatın qardaş Türkiyədə alqı satqı və tikinti biznesini genişləndirməsi ilə bildirilir ki, “Ayaz Orucov Algima İnşaat Şirkətini keçmiş “Azərenerji” ASC rəhbəri Etibar Pirverdiyevlə birlikdə qurub”.
Bildirək ki, “Azərenerji” ASC-nin keçmiş rəhbəri Etibar Pirverdiyevlə Ayaz Orucov yaxın qohumdurlar.Belə ki, Ayaz Orucovun qardaşı Etibar Pirverdiyevin baldızının həyat yoldaşıdır. Məhz bu qohumluq əlaqəsinə görə Ayaz Orucovun rəhbərlik etdiyi şirkətlər uzun müddət xarici ölkələrdən elektrik avadanlıqları gətirərək Etibar Pirverdiyevin rəhbərlik etdiyi “Azərenerji” ASC- yə satıb.

Elektrik avadanlıqlarının “Azərenerji” ASC-yə satılması hesabına milyonlar qazanan qohumlar son 2 ildə yatırımlarını sakitcə xarici ölkələrə daşımağa qərara veriblər. Əvvəlcə Ukraynaya lövbər salan qohumlar burada nədənsə möhkəmlənə bilməyiblər və Qara dənizi keçərək qardaş Türkiyəyə yerləşmək qərarı veriblər.

Saytımıza daxil olan məlumata görə hazırda Ayaz Orucovla Etibar Pirverdiyevin Algima İnşaat Şirkəti İstanbulda hündürmərtəbəli bina tikintisinə başlayıblar. Bundan başqa Algima İnşaat Şirkəti İstanbul, İzmir, Antalya, Bodrum və digər böyük şəhərlərdə xeyli sayda villa, mənzil və torpaq sahələrinə sahib olub.

Qeyd edək ki, uzun müddət Qaçqınların və Məcburi Köçkünlərin İşləri üzrə Dövlət Komitəsinin nəzdində olan Məcburi Köçkünlərin Sosial İnkişaf Fondunun direktoru vəzifəsində işləyən Ayaz Orucovun və oğlunun adı bir çox korrupsiya və qalmaqallarda hallanıb. Sabiq deputatın oğlu İsmayıl Orucovun ən böyük qalmaqalı isə yolun ortasında qadınlara atəş açması olmuşdu.

Qarşı tərəfin mövqeyini verməyə hazırıq.

https://i0.wp.com/www.cumhuriyyet.net/wp-content/plugins/sociofluid/images/google_16.png?w=500&ssl=1 https://i1.wp.com/www.cumhuriyyet.net/wp-content/plugins/sociofluid/images/facebook_16.png?w=500&ssl=1 https://i2.wp.com/www.cumhuriyyet.net/wp-content/plugins/sociofluid/images/yahoobuzz_16.png?w=500&ssl=1 https://i2.wp.com/www.cumhuriyyet.net/wp-content/plugins/sociofluid/images/twitter_16.png?w=500&ssl=1

Short URL: https://www.cumhuriyyet.net/?p=123338

XƏBƏR LENTİ

virtual_roadi

Рейтинг@Mail.ru

Baş redaktor: Nəsimi Şərəfxanlı
Telefon:077 333 90 09
E-mail:cumhuriyyetqezeti@gmail.com;
Sayt "Yeni Cumhuriyyət" qəzetinin rəsmi internet saytıdır.
Saytın yazılarından istifadə olunan zaman istinad və yazının linkinin göstərilməsi zəruridir
Hazırladı - "QURDQANLI" DSGN
Oktyabr 2018
BE ÇA Ç CA C Ş B
« Sen    
1234567
891011121314
15161718192021
22232425262728
293031