DİN aksiya ilə bağlı məlumat yaydı – YENİLƏNİB
Daxili İşlər Nazirliyi aksiya ilə bağlı rəsmi məlumat yayıb. Cumhuriyyet.az xəbər verir ki, DİN-in məlumatında deyilir:
“Bu gün bir qrup şəxs Səbail rayonundakı Fəvvarələr Meydanında aksiya keçirib. Aksiya zamanı heç bir insident qeydə alınmayıb. Bəyanat oxunuşu ilə başa çatan aksiyada saxlanılan olmayıb”.
***
Bu gün bir qrup ictimai-siyasi fəal Fəvvarələr meydanında etiraz aksiyası keçirib.
Cumhuriyyet.az-ın məlumatına görə, aksiyanın təşkilatçıları bildiriblər ki, etirazın səbəbi son zamanlar bəzi jurnalistlərə və ictimai-siyasi fəallara qarşı törədilən zorakılıq hallarının üstünün açılmamasıdır.
Sosial şəbəkələrdə verilən məlumatlara əsasən, aksiyanı müşayiət edən polis etirazçılara qarşı təmkinlə davranıb.
Bununla yanaşı, saxlanılanların olduğu da bildirilir.
Aksiyanın təşkilatçılarından olan Bəxtiyar Hacıyev və Rüfət Səfərlinin saxlanılanlar arasında olduğu qeyd edilir.
Hadisə ilə bağlı DİN-in rəsmi məlumat yayacağı gözlənilir.
Short URL: https://www.cumhuriyyet.net/?p=175069