BAKI ATATÜRK LİSEYİNDƏ NARAZILIQ – Şikayət (Yeniləndi)

17.07.2019 - 19:50

Bakı Atatürk Liseyinin 2c sinif şagirdlərinin valideynləri bu liseyin rəhbərliyindən və ümumiyyətlə burdakı şəraitdən şikayət edirlər.

Valideynlər adından Nərmin Abbasovanın “AzPolitika.info”-ya göndərdiyi şikayət məktubunda bildirilir ki, övladlarının təhsil aldığı 2c sinfinin sinif müəlliminin liseylə müqaviləsi bitib, lakin rəhbərlik heç bir əsaslı səbəb göstərmədən müəllimlə müqaviləni uzatmaqdan imtina edir. Bu isə həm uşaqların, həm də valideynlərin narazılığına səbəb olub. Onlar bununla bağlı liseyin direktoruna, həmçinin liseyin himayədarı olan vəqfin rəhbərliyinə dəfələrlə müraciətlər etsələr də, nəticəsi olmayıb.

N.Abbasova yazır: “Övladlarımız 2 ildir Atatürk Liseyində təhsil alırlar. Lakin bu il sinif müəlliminin 2 illik müqaviləsi bitib. Müqavilə daha 2 illik yenilənməli olduğu halda yenilənmir. Hamımız yaxşı bilirik ki, ibtidai təhsil uşaqların həyatında, təhsilində çox önəmli bir mərhələdir. İbtidai təhsil 4 illik olduğu üçün müəllimlə müqavilə də ən azı 4 illik bağlanmalıdır. Lakin 2 illik bağlanıb və uzatmaq da istəmirlər. Biz övladlarımızın yarı yolda müəllim dəyişdirərək psixoloji rahatsızlıq keçirməmələri üçün dəfələrlə liseyin rəhbəri Eylem xanıma, liseyi himayə edən vəqfin rəhbərliyinə müəllimimizlə müqavilənin uzadılması barədə müraciətlər etsək də, müsbət cavab almamışıq. Onsuz da bir valideyn kimi bizi bu liseydə narahat edən çox şeylər var. Dəfələrlə liseyin müdiri Eylem xanımdan hörmətsizlik görmüşük. Məktəbin akt zalı, idman zalı, uşaqların oynaya biləcəyi meydançası, kompüter otağı yoxdur. Bunlar barədə valideynlər əvvəlcədən məlumatlandırılmayıb. Liseyin bu qədər problemi olduğu halda Eylem xanım təhsil haqqını da artırdı və tez ödənməsi üçün bizə sıxışdırır. Bütün bu çətinliklərə baxmayaraq, biz, uşaqlarımız sevdikləri müəllimdən ayrılmasın deyə, dirəndik. Amma lisey rəhbərliyi inad edir və müəllimlə müqaviləni yeniləmir.

Biz, “Bir millət-iki dövlət” deyib uşaqlarımızı türk liseyinə etibar etdik. Bu məsələdə səlahiyyəti, hökmü olan hər kəsdən bir daha rica edirik ki, onlara əmanət etdiyimiz uşaqlarımızın psixologiyasını, təhsilini və gələcəyini düşünsünlər. Övladlarımızı çox sevdikləri müəllimlərindən ayırmasınlar! Belə problemlərlə qarşılaşacağımızı düşünməmişdik. Yoxsa əvvəldən buranı seçməzdik…”

Müraciəti 2c sinfinin 26 valideyni imzalayıb.

***

Bakı Atatürk Liseyi bir qrup valideynin yuxarıda təqdim etdiyimiz şikayətilə bağlı “AzPolitika.info”-ya qısa açıqlama təqdim edib. Açıqlamada bildirilir ki, 2c sinfinin müəllimi Süleyman Altunun müqaviləsinin uzadılmaması onların qərarı deyil. “Vakfımız ile Türkiye Maarif Vakfı arasında imzalanan protokol gereğince 26 eylül 2017 tarihinden Süleyman Altun isimli öğretmenimiz Bakü Atatürk Lisesinde göreve başlamışdır. Okulumuzdaki iki senelik görev süresi dolan öğretmenimizi Türkiye Maarif Vakfı Genel Merkeze çekmiş ve bağlanmış kontraktı yenilememiştir. Bu, Türkiye Maarif Vakfının personel planlaması olup, planlama çerçevesinde görev yeri değiştirilmiştir”.

https://i0.wp.com/www.cumhuriyyet.net/wp-content/plugins/sociofluid/images/google_16.png?w=500&ssl=1 https://i1.wp.com/www.cumhuriyyet.net/wp-content/plugins/sociofluid/images/facebook_16.png?w=500&ssl=1 https://i2.wp.com/www.cumhuriyyet.net/wp-content/plugins/sociofluid/images/yahoobuzz_16.png?w=500&ssl=1 https://i2.wp.com/www.cumhuriyyet.net/wp-content/plugins/sociofluid/images/twitter_16.png?w=500&ssl=1

Short URL: https://www.cumhuriyyet.net/?p=129747

XƏBƏR LENTİ

virtual_roadi

Рейтинг@Mail.ru

Baş redaktor: Nəsimi Şərəfxanlı
Telefon:077 333 90 09
E-mail:cumhuriyyetqezeti@gmail.com;
Sayt "Yeni Cumhuriyyət" qəzetinin rəsmi internet saytıdır.
Saytın yazılarından istifadə olunan zaman istinad və yazının linkinin göstərilməsi zəruridir
Hazırladı - "QURDQANLI" DSGN
Avqust 2019
BE ÇA Ç CA C Ş B
« İyl    
 1234
567891011
12131415161718
19202122232425
262728293031