Oktay Gülalıyev Türkiyəyə aparılır
“Türkiyədən gələn həkimlərin bildirdiyinə görə atamın vəziyyəti ağırdır”.
“Cümhuriyyət” xəbər verir ki, bu barədə hüquq müdafiəçisi Oktay Gülalıyevin oğlu Təbriz Gülalıyev “Facebook” səhifəsində məlumat verib. O bildirib ki, həkimlər O.Gülalıyevin Türkiyəyə aparılmasında heç bir təhlükə olmadığını bildiriblər:
“Ailəsi olaraq onun aparılması üçün razılıq verdik. Hazırda atamın Türkiyəyə aparılması üçün hazırlıq işləri görülür”.
Qeyd edək ki, Oqtay Gülalıyev oktyabrın 29-u axşam saatlarında yolu keçərkən minik avtomobili tərəfindən vurulub. Oktyabrın 30-da “City Hospital”da O.Gülalıyev üzərində cərrahiyyə əməliyyatı keçirilib.
Hazırda onun müalicəsi Respublika Neyrocərrahiyyə Xəstəxanasında davam etdirilir.
Əlavə edək ki, Heydər Əliyev Fondu Oktay Gülalıyevin müalicəsini üzərinə götürüb.
Short URL: https://www.cumhuriyyet.net/?p=135917