Şri-Lanka konsulluğu 3 tələbənin yanğında ölməsi ilə bağlı məlumatlandırılıb
Qərbi Kaspi Universiteti şri-lankalı 3 tələbənin Bakıda baş verən yanğında ölməsi barədə Şri-Lankanın Dubaydakı konsulluğunu məlumatlandırıb.
Bu barədə universitetdən bildirilib.
Şri-Lankanın Azərbaycanda diplomatik nümayəndəliyi olmadığına görə bu ölkənin Birləşmiş Ərəb Əmirliklərinin Dubay şəhərindəki konsulluğu ilə əlaqə saxlanılıb.
“Konsulluqdan cavab gözləyirik”, – deyə Qərbi Kaspi Universitetindən bildirilib.
Qeyd edək ki, yanvarın 10-da paytaxtın Səbail rayonunda ikimərtəbəli yaşayış binasının birinci mərtəbəsində yanğın baş verib. Ümümi sahəsi 36 m² olan 1 otaqlı mənzildə 1 ədəd elektrik ötürücüsü və yataq dəsti qismən yanıb. Nəticədə Şri-Lanka vətəndaşları olan 3 qız – Malsha Sandeepani, Tharuki Amaya, Tausi Jayavodi tüstüdən zəhərlənərək ölüb. Onlar Qərbi Kaspi Universitetinin tələbələri olub.
Short URL: https://www.cumhuriyyet.net/?p=140529