Tibb işçilərinə 58.3 milyon manat verilib – Agentlik koronavirusa görə ödənilən vəsaiti açıqladı

10.08.2020 - 17:05

Sosial şəbəklərdə və mediada yeni növ koronavirus infeksiyasına yoluxan tibb işçilərinin maaşlarına əlavələrin kəsilməsi barədə məlumatlar yayılır.

“AzPolitika.info” belə xəbərlərə aydınlıq gətirmək üçün İcbari Tibbi Sığorta üzrə Dövlət Agentliyinə informasiya sorğusu göndərib.

Qurumun Marketinq və İctimaiyyətlə Əlaqələr Departamentindən sorğuya verilən cavabda bildirilir ki, Nazirlər Kabinetinin müvafiq Qərarına uyğun olaraq koronavirus infeksiyası ilə mübarizə tədbirlərində iştirak edən tibb və qeyri-tibb işçilərinin siyahısı, həmçinin əməkhaqlarına müddətli əlavənin hesablanması həmin tibb müəssisələri tərəfindən aparılır. Agentlik dövlət tibb müəssisələri tərəfindən göndərilən siyahılara uyğun olaraq 3 iş günü ərzində müddətli əlavələrin ödənilməsini təmin edir.

Məlumatda daha sonra qeyd olunur ki, Prezidentin 18 mart 2020-ci il tarixli 1947 nömrəli Sərəncamına və Nazirlər Kabinetinin 25 mart 2020-ci il tarixli 112 nömrəli Qərarına uyğun olaraq Agentlik tərəfindən yeni növ koronavirus infeksiyası ilə mübarizə tədbirlərində iştirak edən tibb və qeyri-tibb işçilərinə mart, aprel, may və iyun ayları üzrə iş vaxtına mütənasib olaraq müddətli əlavələr ödənilib.

“Belə ki, mart ayı üzrə infeksiya ilə mübarizə tədbirlərində iştirak edən 24 388 nəfər tibb və qeyri-tibb işçisinə iş vaxtına mütənasib olaraq 11.7 milyon manat, aprel ayı üzrə 13 245 nəfərə 14.1 milyon manat, may ayı üzrə 11 638 nəfərə 14.3 milyon manat, iyun ayı üzrə isə 14 767 nəfərə 18,2 milyon manat müddətli əlavələr ödənilib”-deyə Agentliyin məlumatında bildirilir.

AzPolitika.info

https://www.cumhuriyyet.net/wp-content/plugins/sociofluid/images/google_16.png https://www.cumhuriyyet.net/wp-content/plugins/sociofluid/images/facebook_16.png https://www.cumhuriyyet.net/wp-content/plugins/sociofluid/images/yahoobuzz_16.png https://www.cumhuriyyet.net/wp-content/plugins/sociofluid/images/twitter_16.png

Short URL: https://www.cumhuriyyet.net/?p=152028

XƏBƏR LENTİ

virtual_roadi

Рейтинг@Mail.ru

Baş redaktor: Nəsimi Şərəfxanlı
Telefon:077 333 90 09
E-mail:cumhuriyyetqezeti@gmail.com;
Sayt "Yeni Cumhuriyyət" qəzetinin rəsmi internet saytıdır.
Saytın yazılarından istifadə olunan zaman istinad və yazının linkinin göstərilməsi zəruridir
Hazırladı - "QURDQANLI" DSGN
Sentyabr 2020
BE ÇA Ç CA C Ş B
« Avq    
 123456
78910111213
14151617181920
21222324252627
282930