Hövsanda avtomobil hasara çırpılıb, 17 yaşlı qız yaralanıb
14.02.2021 - 09:21
Bakıda xəsarətlə nəticələnən yol-nəqliyyat hadisəsi baş verib.
“Report”un məlumatına görə, hadisə Suraxanı rayonunun Hövsan qəsəbəsində qeydə alınıb.
İdarəetməni itirərək hasara çırpılan avtomobildə olan sərnişin, 2004-cü il təvəllüdlü Məmmədzadə Məsumə Allahverən ağır bədən xəsarətləri alıb.
Yaralı təcili yardımın köməkliyi ilə xəstəxanaya çatdırılıb. Müayinə zamanı ona açıq kəllə-beyin travması, baş beyin əziyi və alın sümüklərinin sınıqları diaqnozları qoyulub.
Hadisənin təfərrüatı araşdırılır.
Short URL: https://www.cumhuriyyet.net/?p=161413
