Rasim Balayev: “Ermənilərlə birgə yaşamalı olsaq, ehtiyatı əldən verməməliyik”

13.11.2020 - 16:10

Xalq artisti, məşhur aktyor Rasim Balayev qələbə sevincini Musavat.com-la bölüşüb. Rasim Balayev 30 il düşmən işğalında olan torpaqların rəşadətli ordumuz tərəfindən 44 gün ərzində azad olunmasının onun üçün gözlənilməz olduğunu deyib:

“Çox gözlənilməz, ağlasığzmaz oldu. Sürətlə torpaqlarımızı geri aldıq. Bu 30 ildə nələr çəkdik. Amma 44 gün ərzində bütün bunların hamısı həll olundu. Halal olsun Ali Baş Komandanımıza, Ordumuza, əsgərlərimizə! Çox şükürlər olsun ki, mən bu günü gördüm”.

Rasim Balayev Şuşanın alınmasını böyük sevinclə qarşıladığını bildirib:

“Şuşa alınında çox sevindim. Təkcə Şuşa deyil, digər torpaqlarımız hər dəfə alındıqca böyük sevinc yaşayırdım. Paralel olaraq evlərin dağıldığını görəndə çox pis olur, əsəb gərginliyi keçirirdim. İnsanlar illərlə o torpaqlarda, qurduqları evlərdə yaşabıylar, indi həmin evlərin dağıdıldığını, viran qaldığını görüb ağır hisslər keçirdilər. Yəni, həm sevinirdim, həm əsəbləşirdim. Lakin çox şüükr olsun ki, biz qalib gəldik!”

Rasim Balayev qeyd edib ki, düşmənlə birlikdə yaşamalı olduqda ehtiyatı əldən vermək olmaz:

“Hərdən düşünürdüm ki, Qarabağ da Zəngəzura oxşayacaq, daha əldən getdi. Şükürlər olsun ki, ermənilərin dərsini verdik, onları başa salmağa çalışdıq. Lakin deyim ki, onlar anlayan, başa düşən millət deyil. Yenə də işğalçılıq, qəsbkarlıq hisslərini ürəklərində gəzdirirlər. Nə vaxtsa 30-50 ildən sonra yenə də öz təxribatlarını həyata keçirməyə çalışacaqlar. “Böyük Ermənistan” xülyası həmişə onların ağlındadır. Ona görə də həmişə ehtiyatlı olmalıyıq. Xankəndində bir dənə də olsun ermənini vəzifəyə qoymaq olmaz. İndi həmin ərazilərdə qaçıb-getməyə və ya başqa yerdə yaşamağa imkanı olmayan ermənilər yenə də qayıdıb gələcəklər. Onların həlledici vəzifələrə təyin olunmasına imkan vermək olmaz.

Xatırlayıram ki, sovet dövründə Qarabağda tək-tük hallarda bir azərbaycanlı vəzifəyə təyin olunurdu, o da önəmli olmayan işlərə. Amma bütün icra başçılarından tutmuş polisinə kimi hamısı erməni idi. Dediyim budur ki, bu məsələ tamamilə diqqətdə olmalı, o ərazilərdə yalnız azərbaycanlılar işləməlidir və həmişə də ehtiyatlı, ayıq olmaq lazımdır. Çünki onlardan hər dəqiqə hər şey gözləmək olar. Bakının özündə onlar təxribatlar törədə bilər, hətta edəcəklər də.

Ermənilər düşmən kimi uduzmağı da bacarmır. Məsələn, II dünya müharibəsində almanlar döyüşdülər, uduzdular və sonrakı mərhələlərdə normal düşmən kimi davrandılar. Amma ermənilər normal düşmən deyil, onların adı ermənidir, onlardan hər cür təxribat, terror göləniləndir.

Ermənilər bu yaxınlarda Fransanın Marsel şəhərində mitinq keçirdilər. Mitinqdə dedilər ki, “bura Marsel deyil, ermənilərin qədim torpağı olan Marsaxdır”. Yəni bura qədər uydururdular ki, guya Qarabağ “Arsax”dır, indi də Marsel də “Marsax”dır. Prezidentimiz də bir çıxışında fransızlara yaxşı dedi ki, “əgər sizin ermənilərdən belə xoşunuz gəlirsə, onda Marseldə ermənilər çoxdur, ora muxtariyyət verin, ermənilər elə orada yaşasın”.

Bizim millətimiz unutqandır, ermənilər özlərini yazıq aparan kimi onlara yazığımız gəlir. Amma daha belə olmamalıyıq. Uşaqlarımızı ayıq-sayıq böyütməliyik. Doğrudur, bu cür yanaşma səhvdir. Amma nə edək ki, bizim qonşumuz onlardır… ”

https://i0.wp.com/www.cumhuriyyet.net/wp-content/plugins/sociofluid/images/google_16.png?w=500&ssl=1 https://i0.wp.com/www.cumhuriyyet.net/wp-content/plugins/sociofluid/images/facebook_16.png?w=500&ssl=1 https://i0.wp.com/www.cumhuriyyet.net/wp-content/plugins/sociofluid/images/yahoobuzz_16.png?w=500&ssl=1 https://i0.wp.com/www.cumhuriyyet.net/wp-content/plugins/sociofluid/images/twitter_16.png?w=500&ssl=1

Short URL: https://www.cumhuriyyet.net/?p=157197

XƏBƏR LENTİ

virtual_roadi

Рейтинг@Mail.ru

Baş redaktor: Nəsimi Şərəfxanlı
Telefon:077 333 90 09
E-mail:cumhuriyyetqezeti@gmail.com;
Sayt "Yeni Cumhuriyyət" qəzetinin rəsmi internet saytıdır.
Saytın yazılarından istifadə olunan zaman istinad və yazının linkinin göstərilməsi zəruridir
Hazırladı - "QURDQANLI" DSGN
Noyabr 2020
BE ÇA Ç CA C Ş B
 1
2345678
9101112131415
16171819202122
23242526272829
30