AVRO-2024 ilə bağlı maraqlı faktlar – 331 milyon avroluq mükafat necə bölüşdürüləcək?
Dünən Almaniyada start götürən Avropa Futbol Çempionatı (AVRO-24) ilə bağlı maraqlı faktlar açıqlanıb.
“AzPolitika” xəbər verir ki, bu çempionatda ilklər yaşanıb. Onların bəzilərini təqdim edirik:
Almaniya millisi sonuncu dəfə Avropa Çempionatında 70 il əməkdaşlıq etdiyi ADİDAS şirkətinin idman geyimində meydana çıxıb;
İndiyə qədər heç bir qitə çempionatında hələ Çin şirkətləri baş sponsorlar arasında bu qədər geniş təmsil olunmayıblar: “Hisense”, “AliExpress”, BYD, “Vivo”, “Alipay+”
Çempionatın qlobal sponsorları arasında TÜRK Hava Yolları da yer alıb;
Almaniyadakı Çempionatın avtomobil dəstəyini BYD şirkəti həyata keçirir.
AVRO-2024 turnirində iştirak edən 24 milli komandanın hamısı 331 milyon avroluq mükafat fondundan pay alacaq.
Mükafat fondunun bölüşdürülməsi aşağıdakı kimidir:
* 24 komandanın hər biri üçün 9,25 milyon avro.
* Qrup mərhələsində qələbəyə görə 1 milyon avro, heç-heçəyə görə isə 500 min avro.
*1/8 finala yüksələn hər komandaya 1,5 milyon avro.
*1/4 finala yüksələn hər komanda üçün 2,5 milyon avro.
*Yarımfinala çıxan hər komandaya 4 milyon avro.
*İkinci yeri tutan komandaya 5 milyon avro.
*Avro 2024-də qalib gələn komandaya 8 milyon avro.
Komanda final da daxil olmaqla turnirin bütün oyunlarında qalib gəlsə, 28,25 milyon avro pul mükafatı alacaq.
Short URL: https://www.cumhuriyyet.net/?p=201449
