Aİ-nin ali nümayəndəsi Azərbaycan və Ermənistan XİN başçıları ilə danışıqlar aparıb

13.11.2020 - 15:20

Avropa İttifaqının Xarici İşlər və Təhlükəsizlik Siyasəti üzrə ali nümayəndəsi, Avropa Komissiyasının Vitse-prezidenti Josep Borrell Cümə axşamı 12 noyabr tarixində Azərbaycanın Xarici İşlər Naziri Ceyhun Bayramov və Ermənistanın Xarici İşlər Naziri Zöhrab Mnatsakanyan ilə telefon danışığı apardı.

Bu barədə “Report”a Avropa İttifaqının Azərbaycandakı nümayəndəliyindən məlumat verilib.

Hər iki telefon danışığında ali nümayəndə, Vitse-prezident döyüşlərin dayandırılmasının münaqişənin sülh yolu ilə nizamlanmasına yönəlmiş səylərin göstərilməsinə imkan verəcəyinə və insanların daha çox əziyyət çəkməsinə yol verməyəcəyinə ümid etdiyini bildirdi. O, münaqişənin təsirinə məruz qalmış mülki əhalinin ehtiyaclarını ödəmək üçün Aİ-nin əlavə humanitar yardım göstərməyə hazır olduğunu və artıq 1 milyon avroya yaxın fövqəladə yardımın ayrıldığını vurğuladı.

Ali nümayəndə, Vitse-prezident müvafiq olaraq hər iki xarici işlər naziri ilə Rusiyanın vasitəçiliyi ilə 9 noyabrda Ermənistan və Azərbaycan tərəfindən razılaşdırılan atəşkəs razılaşmasını müzakirə etdi. Josep Borrell, hər şeydən əvvəl hər iki tərəfin atəşkəsə tam şəkildə hörmətlə yanaşıb onu həyata keçirməli olduğunu vurğuladı. Bu əsasda, münaqişənin danışıqlar yolu ilə, hərtərəfli və davamlı olaraq həll edilməsi üçün bu, ilk addım ola bilər. Ali nümayəndə, Vitse-prezident hər iki Nazirə sülhün qurulması və barışığın vacibliyini, bu baxımdan da beynəlxalq humanitar hüququn prinsiplərinə riayət etməyin, mədəni irsin qorunmasının və yerli icmalar üçün onun dəyəri və əhəmiyyətinin vacibliyini vurğuladı.

Ali nümayəndə, Vitse-prezident Borrell Aİ-nin ATƏT-in Minsk Qrupu həmsədrlərinin rəhbərlik etdiyi formatı dəstəkləməyə davam edəcəyini vurğuladı. Avropa İttifaqının Cənubi Qafqaz üzrə xüsusi nümayəndəsi və Aİ nümayəndəlikləri daxil olmaqla, Avropa İttifaqının və şəxsən özünün bütün Cənubi Qafqaz bölgəsində davamlı sülhə və ölkələrin firavan inkişafına aparan bu səylərə və razılaşmaların həyata keçirilməsinə töhfə verməyə hazır olduğunu təkrarladı.

Ali nümayəndə, Vitse-prezident, qarşıdan gələn Aİ-Ermənistan Tərəfdaşlıq Şurası və Aİ-Azərbaycan Əməkdaşlıq Şurası ərəfəsində hər iki Nazirlə əlaqə saxlayacağını səbirsizliklə gözlədiyini bildirdi.

https://i0.wp.com/www.cumhuriyyet.net/wp-content/plugins/sociofluid/images/google_16.png?w=500&ssl=1 https://i0.wp.com/www.cumhuriyyet.net/wp-content/plugins/sociofluid/images/facebook_16.png?w=500&ssl=1 https://i0.wp.com/www.cumhuriyyet.net/wp-content/plugins/sociofluid/images/yahoobuzz_16.png?w=500&ssl=1 https://i0.wp.com/www.cumhuriyyet.net/wp-content/plugins/sociofluid/images/twitter_16.png?w=500&ssl=1

Short URL: https://www.cumhuriyyet.net/?p=157184

XƏBƏR LENTİ

virtual_roadi

Рейтинг@Mail.ru

Telefon:077 333 90 09
E-mail:cumhuriyyetqezeti@gmail.com;
Sayt "Yeni Cumhuriyyət" qəzetinin rəsmi internet saytıdır.
Saytın yazılarından istifadə olunan zaman istinad və yazının linkinin göstərilməsi zəruridir
Hazırladı - "QURDQANLI" DSGN

en son xeberler

Mart 2024
BE ÇA Ç CA C Ş B
 123
45678910
11121314151617
18192021222324
25262728293031