Çavuşoğlu Ermənistana çağırış etdi: “Cavab verin”
19.05.2022 - 22:57
Ermənistan Azərbaycanın xoşniyyətli yaxınlaşmalarına cavab verməlidir.
Cumhuriyyet.az xəbər verir ki, bu barədə Türkiyənin xarici işlər naziri Mövlud Çavuşoğlu bildirib.
Nazir deyib ki, Azərbaycan qazandığı qələbədən sonra bölgədə sülh və əmin-amanlıq istədiyini dünyaya göstərib, Ermənistana hərtərəfli sülh sazişi təklif edib.
Çavuşoğlu qeyd edib ki, Azərbaycan Türkiyə ilə Ermənistan arasında danışıqları dəstəkləyir və bu müsbət haldır.
“Biz həmişə deyirik və təşviq edirik ki, Ermənistan da bu xoşməramlı yaxınlaşmalara cavab versin. Ermənistan administrasiyası daxilindəki radikallar, xaricdə isə diasporun təzyiqi altındadır”, – deyə Çavuşoğlu bildirib.
Short URL: https://www.cumhuriyyet.net/?p=175460
