Lukaşenko ABŞ-ın Çin qarşısında mövqelərini itirməsi haqda
Belarus Prezidenti Aleksandr Lukaşenko Çin və ABŞ-ın dünyanı yenidən bölüşdürmək uğrunda mübarizə apardıqlarını bildirib.
Bu barədə “Belarus 1” telekanalı məlumat yayıb.
A.Lukaşenkonun sözlərinə görə, “yeni fövqəldövlət” ABŞ-a meydan oxuyur. O həm də Çini “güclü nüvə nəhəngi” adlandırıb.
“Əlbəttə, bu, amerikalıları narahat edir. İnhisarçını narahat etmək nə deməkdir? Bu, yoxsullaşmaq deməkdir”, – deyə A.Lukaşenko bildirib.
Belarus lideri, eyni zamanda, Çinin ixrac baxımından birinci, istehsal üzrə isə ABŞ-dan sonra ikinci yerdə olduğunu xatırladıb. Prezident əlavə edib ki, Çin ən müasir silahları mənimsəyib və “kosmosa çıxıb”.
“ABŞ mövqelərini itirməyə başlaması təhlükəsini hiss edir”, – deyə A.Lukaşenko vurğulayıb.
Short URL: https://www.cumhuriyyet.net/?p=148967
