Fəzail İbrahimli Cəlilabadda daha bir izdihamlı görüş keçirib
Vətəndaş Həmrəyliyi Partiyası tərəfindən VI çağırış Azərbaycan Respublikası Milli Məclisinə deputatlığa namizədliyi irəli sürülmüş Fəzail İbrahimlinin Cəlilabad rayonunda seçicilərlə görüşləri davam edir. O, bu gün Cəlilabad rayon Komanlı kəndinin sakinləri ilə görüşmüşdür.
F.İbrahimli əvvəlcə ötən dövrdə millət vəkili kimi gördüyü işlərdən danışmış, ötən dövrdə seçicilərlə daimi təması, onların problemlərinin həllində iştirakından danışmışdır. Görüşdə kənd sakinləri, müharibə veteranları, ziyalılarla ölkənin bu günü və yaxın keçmişi müzakirə olunub, habelə əhalinin hazırkı qayğıları ilə bağlı fikir mübadiləsi aparılıb.
Sonra Fəzail İbrahimli görüşə toplaşan seçicilərin çoxsaylı suallarını cavablandırmış, millət vəkili seçiləcəyi halda yenə də seçicilərin etimadını doğruldacağını bildirmişdir.
Görüşdə iştirak edən seçicilər fevralın 9-da yüksək fəallıq göstərəcəklərini və ən layiqli namizəd kimi Fəzail İbrahimliyə səs verəcəklərini bildirmişlər.
Short URL: https://www.cumhuriyyet.net/?p=141556
