Suraxanı icra hakimiyyəti faktı təsdiqlədi: “dezinfeksiyaya görə pul alınır, amma biz yox”
Suraxanı Rayon ərazisində dezinfeksiya işləri ilə bağlı cumhuriýet.az olaraq paylaşdığımız xəbərə Rayon İcta Hakimiyyəti tərəfindən münasibət bildirilib. Qarşı tərəfin mövqeyini ifadə etmək hüququna əsasən həmin mövqeni diqqətinizə çatdiririq:
“Bildiririk ki, rayon icra hakimiyyəti strukturları özəl obyektlərdə dezinfeksiya fəliyyəti ilə məşğul deyil. Bu gün Bakı şəhərində bir çox özəl və ya təsərrüfat hesablı müəssisələr var ki, onlar dezinfeksiya sahəsində pullu xidmət göstərirlər və bu yalnız özəl obyektləri əhatə edir. Qeyd edilən fakt tərəfimizdən araşdırılmış və məlum olmuşdur ki, insident baş verən ərazidə Əsasnaməsinə uyğun olaraq pullu xidmətlər göstərən Aqrar Xidmətlər Agentliyinin Baytarlıq İdarəsinin Suraxanı rayon sahəsinin əməkdaşları olmuşlar. Bildiririk ki, rayon icra hakimiyyəti strukturları dövlətin balansında olan binaların, onların giriş bloklarının, liftlərin, həyətlərin, park və küçələrin dezinfeksiyası ilə məşquldur və bunun müqabilində heç bir ödəniş tələb edilə bilməz”.
Short URL: https://www.cumhuriyyet.net/?p=144470
