Tovuzda mərhumun ailəsi təzminat gözləyir
“Ölüm var ölüm kimi, ölüm var zülüm kimi”.
Həyatda heç kim heç bir bədbəxt hadisədən sığortalanmayıb. Bu danılmazdır. Dövlət məmurundan tutmuş ta sıravi insana dək. Ona görə də, yaşadığımız zamanda gələcəkdə qarşılaşacağı problemləri nəzərə alaraq hər bir şəxs tutduğu vəzifədən asılı olmayaraq insana insan kimi yanaşmalıdır. Bu gün dövlətimizdə hörmətli insanların yanaşdığı qanunlarımızın aliliyi də bunu deməyə əsas verir. Lakin təəssüfləır olsun ki, qanunlarımızın aliliyi məhz bəzi dövlət məmurlarının əli ilə korlanır. Qanun bir tərəfdə qalır, icra mexanizmi səalahiyyətli şəxsələr tərəfindən sanki qəsdən həyata keçirilmir. Necə ki, Tovuz rayonunun Dondar Quşçu kəndində baş vermiş bədbəxt hadisədə olduğu kimi.
…Tovuzun Dondar Quşçu kənd sakini, 3 övlad atası, polad cüssəli, Tovuz Paylayıcı Elektrik Şəbəkəsində uzun illərdi usta vəzifəsində çalışmış İmranov Məzahir Qədir oğlunun qətlinin təfərrüatı rayon əhalisinə yaxşı məlumdur. Ötən il, yəni 2019-cu il noyabr ayının 5 – də paylayıcı elektrik şəbəkəsində baş mühəndis vəzifəsində işləyən Pərviz adlı şəxsi tərəfindən səhər saat 05:00 – da tam qanuna zidd şəkildə, Tovuz Rayon İcra Hakimiyyətinin Başçısı Məmməd Məmmədovun (zəhər Mamed ləqəbi ilə tanınır) işığının yanmadığına görə Məzahir İmranova göstəriş verilir. Həmişə işinin usatsı kimi tanınan Məzahir İmranov işıqda yaranmış nazaslığa görə baş mühəndisin tapşırığına əsasən, Dönük Qırıqlı kəndində yerləşən transformatora tərəf yollanır. Onu da qeyd edək ki, həmin transformator kənddə sadə bir vətəndaşın həyətində yerləşirmiş. Təbii ki, bu da sual doğurur. Məzahir İmranov icra başçısının işığnı bərpa etmək məqsədilə rəhbərliyin göstərişi ilə işə girişir. Lakin mərhum İmranov Məzahir Tovuzun Qovlyar yarımstaniyasında usta vəzifəsində işləməsinə baxmayaraq, məcburi olaraq icra başçısının işığı yanmadığına görə Dönük Qırıqlı kəndində qanunsuz yerləşən transformatora baxmağa göndərilib. Maraqlıdır ki, İmranovun ali təhsili olsa da, Qovlyar yarımstansiyasına usta kimi işə qəbul edilmişdir. Qanun pozuntusu da, elə burdan başlayıb.
İşıq bərpa olana kimi bəlkə də, baş mühəndis Pərvizin 10-dan yuxarı zəngi Məzahir İmranovu təngə gətirir ki, “icra başçısı Məmməd Məmmədovun səlahiyyətli nümayəndələri bizi əldən salıb ki, təcili olaraq işıq bərpa edilsin!”. İşığın düzəlməsində “darqursaqlıq” edən Pərviz heç bir texniki şərti nəzərə almadan orada Məzahir İmranovun işləməyinə baxmayaraq, transformatora gərginlik verməsi söylənilir. Həmin an Məzahir İmranov həyatla vidalaşmalı olur.
Hadisə yerinə birinci olaraq mərhumun oğlu Arif İmranov çatır. Mərhumun meyiti yaşadığı evə gətirlir. Hadisənin necə baş verməsindən və müqəssirlərin kimliyini əla bilən Tovuz Rayon Prokuroru Elçin Qəhrəmanov gələcəkdə zərərçəkmiş ailəyə qanunamüvafiq olaraq kömk etməsini yəqin ki “düşünür”. Hətta, mərhumun yeddi mərasiminə kimi hər gün Məzahir İmranovun yas yerində olur. Onun hər gün yas yerinə gəlməsi də mərhumun ölümündə bir sıra qaranlıq məqamların omsaından xəbər verir. Mərhumun ölümü ilə bağlı Tovuz Rayon Prokurorluğunda başlanan cinatət işi prokurorluğun baş müstəntiqı Vaqif Süleymanovun səthi xitamı ilə bitir.
Bəli, bu da bir zəhmətkeş insan əməyinə verilən qiymətin sonu…
Bəs öz işçinin haqqını müdafiə etmək əvəzinə onu tapdalayan Tovuz Paylayıcı Elektrik Şəbəkəsinin rəisi Zaur Şirəliyev hansı əməlləri ilə yadda qaldı? Verilən məlumata görə olduqca soyuqqanlıqla hərəkət edən Zaur Şirəliyev bu hadisədə iş başında həyatını itirən Məzahir Qədir oğlu İmranov haqqında düşüncəsinə əziyyət verməyib. Nə Tovuz Rayon Prokuroru, nə də ki şəbəkənin rəisi Zaur Şirəliyev iş başında həyatını itirən Məzahir İmranova təzminat ödənilməsini əsaslandırmaq əvəzinə, mərhumun ailəsinə bu barədə şikayətli olmamalrını ciddi tapşırmışdır. Hadisədə cavabdeh olan Tovuz Paylayıcı Elektrik Şəbəkəsinin baş mühəndisi Pərviz “qaçıb gizlənərək” vəzifəsində qalmış, şəbəkənin rəisi Zaur Şirəliyev isə mərhumun ili çıxmamış göstərdiyi “xidmətlərinə” görə “Azərişıq” ASC-nin rəhbəri Vüqar Əhmədov tərəfindən yeri dəyişdirilərək Bakı şəhəri Nərimanov Paylayıcı Elektrik Şəbəkəsinə rəis vəzifəsinə təyin edilmişdir. Bu da Məzahir İmranovun günahsız vəfatına verilən haqsız qiymət…
İstintaq işçisi olmasaq da, bədbəxt hadisədə əli olnların vəzifədə qalması və ya Zaur Şirəliyevin yerinin rahatca dəyişdirilməsi onu göstərir ki, Tovuz Rayon Prokurori Elçin Qəhramanov açılmış cinayət işini öz qanunlarına uyğun şəkildə aparıb. Bu işə halallıq verib, verməmək yenə də mərhumun ailəsinin fikridir. Ancaq, iş başında həyatını itirmiş Məzahir Qədir oğlu İmranovun ailəsinə təzminatın verilməməsi ancaq dövlət qanunlarımıza zidd hərəkət, müsəlman qaydası ilə desək Allahsızlıq kimi dəyərləndirilir.
Inanırıq ki, kimlərinsə təkidi ilə xitam verilən cinayət işi yenidən gündəmə gələcək, cavabdehlər qanun qarşısında cavablarını alacaq, “Azərişıq” ASC – nin
sədri Vüqar Əhmədov məsələnin dərinliyinə varacaqdır.
Qarşı tərəfin də fkrini öyrənməyə hazırıq.
Vəli Kosayev
Short URL: https://www.cumhuriyyet.net/?p=152905
