Rusiyadakı səfirliyimiz: Vəziyyətə görə məsuliyyət Ermənistanın üzərinə düşür

11.10.2020 - 16:01

Ermənistan tərəfindən Azərbaycanın mülki obyektlərinin qəsdən atəşə tutulması bir daha göstərir ki, bu ölkə beynəlxalq hüququn əsas normalarına, habelə öz üzərinə götürdüyü öhdəliklərə riayət etmək istəmir.

“Report”un məlumatına görə, bu fikirlər Ermənistanın Moskvada əldə edilmiş atəşkəs barədə razılaşmanın şərtlərinin pozulması ilə əlaqədar Azərbaycanın Rusiyadakı səfirliyinin bəyanatında öz əksini tapıb.

Səfirlikdə xatırladıblar ki, Azərbaycan Respublikasının, Ermənistan Respublikasının və Rusiya Federasiyasının Xarici İşlər nazirləri 2020-ci il oktyabrın 10-da saat 12:00-dan etibarən döyüş əməliyyatlarının gedişində həlak olanların cəsədlərinin və hərbi əsirlərin dəyişdirilməsi üçün atəşkəs barədə razılıq əldə ediblər.

Bəyanatda daha sonra deyilir: “Bu sazişin humanitar tərkib hissəsinə baxmayaraq, Ermənistan silahlı qüvvələri əldə edilmiş razılaşmanı kobud şəkildə pozaraq Azərbaycanın Ağdam və Tərtər rayonlarını artilleriya atəşinə tutub, habelə Hadrut və Cəbrayıl istiqamətində hücum cəhdi ediblər. Suqovuşanda erməni əsgərlərinin cəsədlərini yığan və üzərinə aydın şəkildə ağ bayraq sancılan sanitar maşının Ermənistan silahlı qüvvələri tərəfindən atəşə tutulması nəticəsində bir tibbi xidmət işçisi ağır yaralanıb.

Oktyabrın 11-nə keçən gecə Azərbaycanın cəbhə xəttindən uzaqda yerləşən ikinci böyük şəhəri Gəncə Ermənistan tərəfindən şiddətli raket atəşinə məruz qalıb, nəticədə çoxsaylı yaşayış evləri dağılıb, 9 nəfər dinc sakin həlak olub, uşaqlar da daxil olmaqla 34 nəfər müxtəlif dərəcəli ciddi xəsarətlər alıb.

Bununla əlaqədar, Azərbaycan Respublikasının Xarici İşlər Nazirliyi rəsmi bəyanatla çıxış edib. Bəyanatda deyilir ki, atəşkəs haqqında razılıqdan sonra dinc sakinlərin və şəhərlərin atəşə tutulması məsuliyyətsizliyin daha bir hiddətləndirici nümunəsidir, Ermənistan rəhbərliyinin atəşkəsə çağırışları isə riyakarlıqdan və vaxt qazanmaq cəhdindən başqa bir şey deyil.

Ermənistan tərəfindən Azərbaycanın mülki obyektlərinin qəsdən atəşə tutulması bir daha göstərir ki, Ermənistan beynəlxalq hüququn əsas normalarına, habelə öz üzərinə götürdüyü öhdəliklərə riayət etmək istəmir.

Azərbaycan tərəfi Ermənistanın növbəti təcavüzkar hərəkətlərini qətiyyətlə pisləyir və beynəlxalq birliyi işğalçı ölkə olan Ermənistanı beynəlxalq hüquqa və öz üzərinə götürdüyü beynəlxalq öhdəliklərə riayət etməyə məcbur etmək üçün təsirli tədbirlər görməyə çağırır.

Regionda yaranmış vəziyyətə görə bütün məsuliyyət Ermənistanın hərbi-siyasi rəhbərliyinin üzərinə düşür”.

https://i0.wp.com/www.cumhuriyyet.net/wp-content/plugins/sociofluid/images/google_16.png?w=500&ssl=1 https://i0.wp.com/www.cumhuriyyet.net/wp-content/plugins/sociofluid/images/facebook_16.png?w=500&ssl=1 https://i0.wp.com/www.cumhuriyyet.net/wp-content/plugins/sociofluid/images/yahoobuzz_16.png?w=500&ssl=1 https://i0.wp.com/www.cumhuriyyet.net/wp-content/plugins/sociofluid/images/twitter_16.png?w=500&ssl=1

Short URL: https://www.cumhuriyyet.net/?p=155859

XƏBƏR LENTİ

virtual_roadi

Рейтинг@Mail.ru

Telefon:077 333 90 09
E-mail:cumhuriyyetqezeti@gmail.com;
Sayt "Yeni Cumhuriyyət" qəzetinin rəsmi internet saytıdır.
Saytın yazılarından istifadə olunan zaman istinad və yazının linkinin göstərilməsi zəruridir
Hazırladı - "QURDQANLI" DSGN

en son xeberler

Mart 2024
BE ÇA Ç CA C Ş B
 123
45678910
11121314151617
18192021222324
25262728293031