“Keçmiş olsun, gözəl körpəm” – Ərdoğan Aydadan yazdı
Türkiyə Prezidenti Rəcəb Tayyib Ərdoğan İzmirdə dağıntılar altından 91 saat sonra xilas edilən Ayda Gezgin barədə paylaşım edib.
Musavat.com xəbər verir ki, ölkə başçısı 4 yaşlı körpənin fotosunu paylaşıb və ona arzularını çatdırıb:
“Möcüzənin adı Ayda… 91 saat sonra sənin o gülən gözlərinlə birlikdə hamımıza yeni ümidlər bəxş edən Allaha şükürlər olsun. Keçmiş olsun, gözəl körpəm”.
Qeyd edək ki, Ayda binanın birinci mərtəbəsində, mətbəxdə tapılıb. Onun sağ qalmasına səbəb qabyuyan maşının uşağın üzərinə yarıyıxılı vəziyyətdə aşması olub.
Artıq dağıntılar altından Aydanın anası Fidan Gezginin cəsədi də çıxarılıb.
Short URL: https://www.cumhuriyyet.net/?p=156859