Fəzail İbrahimli Masallıda seçicilərlə görüşləri davam etdiir

73 saylı Masallı-Cəlilabad seçki dairəsindən Vətəndaş Həmrəyliyi Partiyasının deputatlığa namizədi, VHP sədrinin birinci müavini, Fəzail İbrahimli Masallı rayonunun Həsənli kəndində seçicilərlə görüş keçirib. Kənd camaatının ən müxtəlif təbəqələrinin – gənclərin, ahılların, ziyalıların toplandığı görüşdə hərarətlə qarşılanan F.İbrahimli əvvəlcə seçicilərlə son illər Azərbaycanın əldə etdiyi uğurlar, ərazilərimizin düşmən tapdağından azad olunması və möhtəşəm zəfərimizlə yeni yüksəliş tariximiz haqqında düşüncələrini bölüşdü. Daha sonra Milli Məclisdəki fəaliyyəti haqqına danışan namizəd növbəti dönəmdə də seçicilərin etimadını qazanacağı halda görəcəyi işlər haqda məlumat verdi. F.İbrahimli seçicilərin suallarını cavablandırdı, qaldırılan problemlərə münasibət bildirdi. Tədbirin sonunda kənd sakinlərindən Yavər Yusubov, Xeyənsə Musayeva, Vəzifə Rəhimova, Mehdi Mehdiyev, Rəşad Fərəcov, Azərin Musayev çıxış edərək qarşıdakı seçkilərdə Fəzail İbrahimliyə səs verəcəklərini bildirib.

Short URL: https://www.cumhuriyyet.net/?p=203247