Fəzail Ağamalı sərnişindaşıma şirkətlərinə cəza TƏLƏB ETDİ
Bir neçə gün əvvəl Binə qəsəbəsində avtobus qəza edərək iki nəfərin həyatına son qoyub. Sürücünün öz cəzasını alacağına şübhə yoxdur.
Cumhuriyyet.net Modern.az-a istinadən xəbər verir ki, bu fikirləri Milli Məclisdə çıxışı zamanı deputat Fəzail Ağamalı deyib.
O, təəssüflə qeyd edib ki, belə sürücüləri işə qəbul edən və ictimai nəqliyyatı tənzimləyən özəl şirkətlərə cəza verilmir:
“Onlar məsuliyyətə cəlb olunmur. Bəzi avtobuslarda gedişhaqqı kartla olduğu halda digərlərində bu tətbiq olunmur. Bu da ciddi problemdir. Mən Əli Hüseynlidən xahiş edirəm ki, gələcəkdə həmin sürücüləri işə cəlb edən və onlar üzərində nəzarəti həyata keçirə bilməyən özəl şirkətlərin cəzalandırılması və məsuliyyətə cəlb olunması üçün İnzibati Xətalar və Cinayət Məcəlləsinə əlavələr edilməsini nəzərə alsın”.
Short URL: http://www.cumhuriyyet.net/?p=123427
