110 yaşlı Ramazan kişi uzunömürlülüyün sirrini açıqladı-VİDEO
25.03.2019 - 09:41
Türkiyənin Sinop şəhərinin 110 yaşını qeyd edən sakini Ramazan Yeşilcan uzunömürlülüyün sirlərini paylaşıb.
Moderator.az-ın “Haberturk”ə istinadla verdiyi xəbərə görə, Əmək və Sosial Xidmətlər İdarəsinin regional direktoru Melih Keleş Erfelek ilçəsi Meydan kəndində yaşayan ağsaqqalı ziyarət edib. Ramazan baba yaşının çoxluğuna rəğmən çox gümrah görünür. O, normal sağlamlığa və gözəl iştaha sahibdir. Məmur qonaqla söhbətində Ramazan kişi uzunömürlülüyün reseptini paylaşıb: “Bütün həyatım boyu təbii kərə yağı, qaymaq, qatıq, bolluca bal və ev yumurtaları yeyirəm. 5 vaxt namazımı vaxtında qılmağa çalışıram… Sizə də məsləhət görürəm…”
110 yaşlı Ramazan Yeşilcanın 6 qızı var ki, onlardan ən yaşlısı 90 yaşındadır. Nəvə-nəticəsinin sayı isə 150-yə yaxındır. Həyat yoldaşını 11 il öncə itirmiş babaya övlad və nəvə-nəticələri qulluq edir.
Short URL: http://www.cumhuriyyet.net/?p=127550
