Bakıda birgə yaşadığı kişini öldürən rus qadına hökm oxundu
Bu gün Bakı Ağır Cinayətlər Məhkəməsində qəsdən adam öldürməkdə ittiham olunan Valentina Flimonovanın cinayət işi üzrə məhkəmə istintaqı yekunlaşıb.
Cumhuriyyet.az saytının xəbərinə görə, prosesə hakim Əfqan Hacıyev sədrlik edib. Prosesdə hökm oxunub.
Məhkəmənin hökmü ilə Valentina Flimonova 16 il müddətinə azadlıqdan məhrum edilib.
Məhkəmə prosesi zamanı V.Flimanova ona qarşı elan olunmuş ittihamla özünü qismən təqsirli bilib. O, hadisədən əvvəl Nikolayın içkili olarkən dəfələrlə onu hədələdiyini, döydüyünü deyib.
Qeyd edək ki, hadisə ötən il avqustun 14-də Sabunçu rayonunun Bilgəh qəsəbəsində baş verib. Həmin ərazidə yaşayan V.Flimonova evində qeyri-rəsmi nikah münasibətlərində olduğu Nikolay Orlova bıçaqla xəsarət yetirib. Zərərçəkmiş hadisə yerində ölüb.
Sabunçu Rayon Polis İdarəsinin 14-cü bölməsi əməkdaşlarının keçirdikləri əməliyyat-axtarış tədbirləri nəticəsində V.Filimonova tutulub. Ona qarşı Cinayət Məcəlləsinin 120.1-ci (qəsdən adam öldürmə) maddəsi ilə ittiham irəli sürülüb.
Short URL: http://www.cumhuriyyet.net/?p=92586