“Çelsi”nin sahibini Britaniyadan qovurlar

Rusiyalı milyarder Roman Abramoviçin Britaniya vizası 2003-cü ildən bəri ilk dəfə uzadılmayıb.

Cumhuriyyet.net saytı virtualaz.org-a istinadən xəbər verir ki, üç həftə bundan əvvəl Abramoviçin vizasının vaxtı tükənib.

Nəşr əlavə edir ki, iş adamı öz müraciətinə hələlik rəsmi cavab almayıb, Birləşmiş Krallığın hökuməti onun sənədlərini araşdırmaqda davam edir.

Qeyd olunduğuna görə, məhz son 15 ildə ilk dəfə vizasının uzadılmaması üzündən Roman Abramoviç dünən İngiltərə Kubokunun final oyununu izləyə bilməyib. Həmin oyunda onun sahibi olduğu “Çelsi” klubu “Mançester Yunayted”ə qalib gəlib.

Short URL: http://www.cumhuriyyet.net/?p=119112