Arvadından intiqam almaq üçün 4 uşağını ÖLDÜRDÜ
07.09.2019 - 16:34
Cənubi Afrikada ata dörd uşağını asaraq, öldürüb.Lent.az xarici mediaya istinadən xəbər verir ki, hadisəyə səbəb həyat yoldaşının ondan boşanmaq istəyi olub.
Uşaqlarının məktəbdən ataları tərəfindən götürüldüyünü bilən Xoli Mpungose adlı qadın şübhələnərək, polisə müraciət edib. Ana ilə birlikdə evə gedən polis, yaşları 4 ilə 10 arasında olan 3 uşağın cansız bədənlərini evin fərqli otaqlarında tapıblar. Qadının ilk həyat yoldaşından olan 16 yaşındakı uşağın cəsədi isə evin yaxınlığındakı bölgədə ağaca asılı vəziyyətdə tapılıb.
Qatil Sibusiso Mpungose polislər tərəfindən tutulub.
Mediaya açıqlama verən ana Xoli Mpungose boşanma qərarı aldığı üçün həyat yoldaşının intiqam hiss ilə cinayəti törətdiyini bildirib.
Hazırda araşdırma davam edir. Bu xəbər son saatların ən reaksiya verilən hadisəsi olub. Sosial mediada insanlar atanı lənətləyirlər.
Short URL: http://www.cumhuriyyet.net/?p=132662
