ABŞ daha bir rus kibercinayətkarı yaxaladı – O, şirkət rəhbərliyindən milyonlar qoparmaq istəyirmiş
Ruisya Federasiyasının 27 yaşlı vətəndaşı Yeqor Kryuçkov ABŞ-ın Los-Anceles şəhərində həbs olunub.
Musavat.com xarici agentliklərə istinaədn xəbər verir ki, bu barədə ABŞ Ədliyyə naziriylini syatında müvafiq informasiya yerləşdirilib.
Dövlət qurumunun məlumatına əsasən, Yeqor Kryuçkov ABŞ-a bu ilin iyul ayının 15-də turist vizası ilə gəlibmiş. Ölkədə olduğu vaxt o, Nevada ştatında yerləşən bir firmanın əməkdaşına öz iş kompüterinə ziyanverici proqram yükləməyi təklif edib. Bunun üçün Yeqor Kryuçkov hətta həmin adama 1 milyon dollar rüşvət verməyə hazır olduğunu söyləyib. Rusiyalı vətəndaş bunun sayəsində şirkətin sisteminə çıxış əldə edərək, firma rəhbərliyindən külii-miqdarda pul qoparmaq istəyirmiş.
Nəticədə FTB rus hakerin izinə düşüb. Yeqor Kryuçkov Nevada ştatının Rino şəhərindən Los-Ancelesə hərəkət edən zaman Büronun agentləri tərəfindən saxlanılıb.
Xatırladaq ki, FTB-nin “rus haker ovuna çıxdığı” ilk hadisə deyil. Bu ilin mart ayının 7-də Federal Təhqiqatlar Bürosu Nyu-Yorkun Con Kennedi adına hava limanında Kiril Firsov adlı kompüter piratını yaxalamağa müvəffəq olmuşdu. Kirill Firsov hakerlərin sındırdıqları akkauntların və oğurlanan mühüm informasiyaların satıldığı internet-maqazinlərin yerləşdirildiyi “Deer.io” adlı onlayn-platforma açıbmış.
FTB “Deer.io” kiberplatformasının Rusiyada yerləşdiyini, onun haker satışlarından 20 milyon dollardan çox pul qazandığını təsbit edib.
Short URL: http://www.cumhuriyyet.net/?p=153073