“Kiyevə getməyə hazıram” – Makron şərt qoydu
Fransa prezidenti Emmanuel Makron səfərinin faydalı olacağı, Rusiya və Ukrayna prezidentləri arasında dialoqun qurulmasına kömək edəcəyi təqdirdə Kiyevə səfər etməyə hazır olduğunu bildirib.
Cumhuriyyet.az xəbər verir ki, bu barədə o, BFMTV telekanalının efirində bildirib.
Makron sonuncu dəfə fevralın əvvəlində Kiyevdə olub.
“Mən Kiyevə və ya Ukraynanın hər hansı başqa şəhərinə getməyə hazıram, ancaq səfirliyi ziyarət etmək üçün ora getmək istəmirəm. Mən istərdim ki, bu səfər prosesdə nəticələrə gətirib çıxarsın, Ukrayna və Rusiya prezidentləri Volodimir Zelenski və Vladimir Putin arasında dialoqun qurulmasına kömək etsin”, – deyə o qeyd edib.
Xatırladaq ki, aprelin 9-da Böyük Britaniyanın Baş naziri Boris Conson Kiyevə səfər edib. O, səfər zamanı Ukrayna Prezidenti ilə təkbətək danışıqlar aparıb, daha sonra Kiyev küçələrini gəzib.
Short URL: http://www.cumhuriyyet.net/?p=173309
