Şahzadə Uilyam və həyat yoldaşı milyarder oldu
Böyük Britaniyanın mərhum kraliçası II Elizabetin vəfatında sonra şahzadə Uilyam və həyat yoldaşı Keyt Middlton milyarder olub və onlar yeni titullar qazanıblar.
Cumhuriyyet.az xəbər verir ki, bu barədə Britaniyanın “Daily Star” qəzeti məlumat yayıb.
Kraliçanın ölümündən sonra şahzadə Uilyam Kornuoll hersoqu titulunu miras alıb və hazırda o, Kornuoll və Kembric hersoqu, Keyt isə Kornuoll və Kembric hersoginyasıdır.
Sentyabrın 9-da Britaniyanın yeni kralı III Çarlz oğlu Uilyamı Uels şahzadəsi elan edib.
Qəzetin yazdığına görə, yeni titulları aldıqdan sonra şahzadə Uilyamın sərvəti hazırda 1,1 milyard funt sterlinqə çatıb. Nəşr yazır ki, Kornuol hersoqu və Kornuol hersoginyası titulları almaqla Uilyam və Keyt böyük miqdarda torpaq, meşə, çay və əmlakı da miras olaraq qazanıb.
Hazırda Uels şahzadəsi İngiltərə və Uelsin 20 əyalətində təxminən 128 min hektar əraziyə sahibdir.
Short URL: http://www.cumhuriyyet.net/?p=181749