Türkiyə gündəmini dəyişəcək şok iddia – “Hökumət PKK-ya qarşı əməliyyatlara icazə vermir”
«AKP hökuməti yerlərdə icra hakimiyyəti başçılarına və silahlı qüvvələrə PKK-ya hücum etməmək əmri verib».
Strateq.az Türkiyə mətbuatına istinadən xəbər verir ki, bu şok iddia ilə MHP-nin Qaziantepdən olan millət vəkili Ümid Özdağ çıxış edib.
Onun sözlərinə görə, PKK Türkiyəyə 64 ton partlayıcı maddə keçirib. Və bunun nəticəsi olaraq hər gün türk əsgərləri şəhid edilir:«Hökumət əsgərlərə PKK-ya qarşı əməliyyat keçirməmək əmri verib. Şəhidlərimizə Allahdan rəhmət diləyirəm. Verdiyimiz hər şəhidin cavabdehi təslimiyyətçi müzakirələrdir. AKP hələ də bu müzakirələrdən əl çəkmək istəmir. Quru Qoşunlarına PKK-ya qarşı əməliyyat başlatmaqla bağlı göstəriş verilmir. Əsgərlərimiz yalnız müdafiə mövqeyində qalmağa məcbur olurlar. Normal ölkədə belə bir əmri verən hökumət mühakimə olunmalıdır. Yunanlara adanı (Kipr-red:) verən AKP indi də Türkiyənin bir hissəsini PKK-ya verir. Torpaq vermək bunların fitrətində var».
Short URL: http://www.cumhuriyyet.net/?p=29828
