Bir həftə “zaryadkasız” işləyən “iPhone” yaradıldı
Böyük Britaniyanın`Intelligent Energy` şirkəti `iPhone 6` üçün bir həftə enerji saxlayacaq batareya yaradıldığını elan edib.
Bu barədə AzVision.az `The Telegraph`-a istinadən xəbər verir.
Batareya patentləşdirilmiş texnologiya əsasında işləyir. Şirkət iddia edir ki, yeni batareyadan istifadə etmək üçün `iPhone`nun ölçü və formasını dəyişməyə ehtiyac yoxdur.
`Biz o qədər incə batareya yaratmağa müvəffəq olduq ki, ondan hazırda bazarda olan modellərdə istifadə etmək olar`, – deyə `Intelligent Energy` şirkətinin baş direktoru Henri Vinand bildirib.
Adi `iPhone`lardan fərqli olaraq yeni qurğuların arxasında su buxarları üçün ventilyasiya dəlikləri olmasıdır.
`Intelligent Energy` şirkəti bəyan edib ki, hazırda şirkət yeni batareyanın qiymətini müəyyənləşdirir.
Şayələrə əsasən şirkət özü `Apple`la sıx əməkdaşlıq edir. Lakin Vinand bu barədə yayılan məlumatları şərh etməkdən imtina edib.
Short URL: http://www.cumhuriyyet.net/?p=30159