Ankara Qərbə çox ciddi mesajlar verir – Sövdələşmə
Türkiyə Avropa Birliyinin üzvü olmaqla bərabər, islam dünyasına da rəhbərlik etmək istəyir.
Bunu jurnalistlərə açıqlamasında gürcü ekspert Mamuka Areşidze söyləyib. Onun sözlərinə görə, ölkədəki çətin vəziyyətə baxmayaraq, Ankara Avropa Birliyi ilə sövdələşməyə çalışır:
“Görünür, Türkiyə bilərəkdən Qərblə münasibətlərin gərginləşməsinə gedir. Uzun illər ərzində Ankara NATO-nun üzvü olsa da, Qərblə hələ də ümumi dil tapa bilməyib. Türkiyə elə bir şərait yarada bilməyib ki, Avropa hər dəfə ona qarşı yeni tələblər irəli sürməsin. Ankara bütün yollardan istifadə edib. İndi isə o, qaçqın axınının Avropaya olan qapılarını açacağını, ölüm hökmünün bərpasını deməklə Qərbə ciddi mesaj verir. Məncə, Ankara Qərblə sövdələşməyə çalışır. Türkiyə həmişə islam aləminin lideri olmaq istəyib və bu işdə özünə əsas tərəfdar kimi Qərbi görüb”.(axar.az)
Short URL: http://www.cumhuriyyet.net/?p=70994