Hakan Şükür ailəsinə olan təziqlərə tab gətirmədi: “Peşman olmuşam”

Türkiyənin keçmiş futbol ulduzu, sabiq millət vəkili Hakan Şükür Fətullahçı Terror Təşkilatının (FETÖ) əleyhdarı olduğunu bəyan edib.

Türkiyənin “Vatan” qəzeti yazır ki, H.Şükür peşmançılığını ifadə edib. 15 iyul hərbi çevriliş cəhdindən sonra barəsində həbs qərarı verilən keçmiş futbolçu ailə üzvlərindən heç kimin FETO ilə əlaqəsinin olmadığını söyləyib.

Qeyd edək ki, uzun illərdir “fətullahçı” kimi tanınan H. Şükür 2013-cü il dekabrın 16-da Ədalət və İnkişaf Partiyasından istefa verib. Bu gün isə o, sosial şəbəkədəki səhifəsində FETÖ-nun əməlləri qarşısında üzgün və çaşqın durumda olduğunu bəyan edib, hərbi çevriliş cəhdini lənətləyib, şəhidlərə rəhmət diləyib.

H.Şükürün atası Sermet Şükürün həbsindən və Türkiyədə dəyəri 200 milyon lirə olan mal və mülklərinə həbs qoyulmasından sonra belə bir bəyanat verməsi diqqət çəkir. O, hazırda ABŞ-da yaşayır.

Short URL: http://www.cumhuriyyet.net/?p=74081