İsrail səfirliyinə silahlı hücum: ölən və yaralanan var
İordaniyanın paytaxtı Əmmanda İsrail səfirliyinə silahlı hücum olub. Bu barədə “Al Mayadeen” telekanalı xəbər verib. İordaniyanın paytaxtı Əmmanda İsrail səfirliyinə silahlı hücum nəticəsində naməlum silahlılardan biri öldürülüb. Səfirliyin mühafizəçisi ağır xəsarət alaraq xəstəxanaya yerləşdirilib. APA bildirir ki, rəsmən təsdiqini tapmamış məlumatlara görə, İsrail səfirliyinin əməkdaşları arasında yaralılar var.
İordaniyanın “Al Ghad” qəzeti hücumun 17 yaşlı iordaniyalı tərəfindən törədildiyini bildirir. Məlumata görə, bıçaqla silahlanmış gənc səfirliyin ərazisinə daxil olaraq bir nəfərə bıçaqla xəsarət yetirib. Bundan sonra o mühafizə xidmətinin əməkdaşları tərəfindən öldürülüb. Hadisə ilə əlaqədar hələlik rəsmi məlumat verilmir.
Short URL: http://www.cumhuriyyet.net/?p=97185