Bakının bu günü: həyat donub, səs-səmir yoxdur – FOTOLAR
Paytaxt sükuta qərq olub, qorxu filmlərindəki kabus şəhərlərə dönüb: nə bir səs-səmir var, nə ins-cins gözə dəyir. Gecə saat 3-4-də belə maşınların şütüdüyü yollar və küçələr bom-boşdur. İnsanlar evlərinə çəkilib, sərtləşdirilmiş karantin rejiminin tələblərinə riayət edirlər.
Koronavirus pandemiyasından az itki ilə qurtulmağın yeganə yolu budur. elə baxanda çətin deyil, hər kəs özünü iki günlüyə evə qapamaqla virus epidemiyası zəncirinin qırılmasına töhfə verə bilərsə, nədən olmasın?
İki gün elə də böyük müddət deyil, 40 saatdan sonra hər şey qaydasına düşəcək. Yenə mağazalar, fabrik-zavodlar, müəssisələr, təşkilatlar işləyəcək, yenə yollarda maşınlar şütüyəcək, səkidə insanlar dolub-daşacaq.
Bu şəkillər şəhərin müxtəlif yerlərindəki binaların eyvanından çəkilib.
Musavat.com
Short URL: http://www.cumhuriyyet.net/?p=147817