Eks-deputat Prezidentin çağırışına əməl etmir – FOTOFAKT
Azərbaycan Milli Elmlər Akademiyasının (AMEA) Naxçıvan Bölməsində AMEA-nın müxbir üzvü Oruc Həsənlinin 70 illik yubileyi qeyd olunub və bu tədbirdə karantin qaydaları pozulub.
KONKRET.az xəbər verir ki, bu tədbir barədə xəbər və foto AMEA-nın rəsmi saytında yerləşdirilib. Fotodan göründüyü kimi, tədbir iştirakçıları maskadan istifadə etməyərək, karantin qaydalarını pozublar. Xatırladaq ki, Prezident İlham Əliyev maska ilə bağlı çağırış edib: “Mən maska ilə gəzirəm. Göstərmişəm, bir daha göstərirəm. Bütün qapalı yerlərdə maska taxıram. Yaxşı, indi Prezident bunu edirsə, niyə başqası edə bilməz? Nə çətin şeydi bu? Heç bir əziyyət vermir, heç bir problem yaratmır. Sadəcə olaraq, məsuliyyətsizlik və deyə bilərəm ki, eqoizm və biganəlik”.
Qeyd edək ki, AMEA-nın Naxçıvan Bölməsinin sədri eks-deputat, akademik İsmayıl Hacıyevdir.
Short URL: http://www.cumhuriyyet.net/?p=152588