İranda koronavirusa yoluxan deputatların sayı 23-ə çatdı
İran İslam Respublikası parlamentinin 23 millət vəkili yeni koronavirusa yoluxub.
Virtualaz.org yerli KİV-ə istinadən bildirir ki, bunu jurnalistlərə açıqlamasında parlament sədrinin köməkçisi Abdulrza Məsri deyib.
“Hazırda 23 deputatın koronavirus testi müsbət çıxıb”, – deyə o bildirib.
Məsri, millət vəkillərini xalqla təmasları məhdudlaşdırmağa çağırıb. O qeyd edib ki, mövcud vəziyyətə baxmayaraq parlament işini davam etdirəcək.
Xatırladaq ki, son rəsmi məlumatlara görə, İranda 2 336 virus daşıyıcısı var. Bu günədək 435 nəfər koronavirusdan sağalıb.
İnfeksiyadan ölənlərin sayı isə 77 nəfərə çatıb.
Short URL: http://www.cumhuriyyet.net/?p=143445