Neft uçuruma doğru gedir
Dünya bazarlarında Brent markalı neftin qiyməti ucuzlaşaraq barrel üçün 45 dollardan aşağı düşüb.
ANS PRESS-in məlumatına görə, hazırda London birjasında Brent markalı neftin bir barrelinin qiyməti 44,55 dollardır. Sutka ərzində ucuzlaşma 1,74% olub.
Bakı vaxtı ilə saat 09.40-a London birjasında Brent neftinin qiyməti
Texas markalı neftin barrelinin qiyməti isə 40 dollardan aşağı düşüb. Texas nefti sutka ərzində 2,15% ucuzlaşaraq barrel üzrə qiyməti 39,58 dollara düşüb.
Bakı vaxtı ilə saat 09.40-a Nyu-York birjasında Texas neftinin qiyməti
Ümumiyyətlə, neftin qiymətlərinin ucuzlaşması son 6 aydır ki, davam edir. Qiymətlərin düşməsinə əsas səbəb son aylarda İranla qərb ölkələri arasında razılığın əldə edilməsidir. Çində iqtisadi böhran da neftə tələbatı azaldıb.
“AzəriLayt” markalı neftin bir barrelinin qiyməti isə şənbə günü London birjasında 3,86% və ya 2 dollar ucuzlaşaraq 46,23 dollar təşkil edib.
Beynəlxalq ekspertlər neft qiymətlərinin qarşıdan gələn aylarda da təzyiq altında olacağını bildirirlər. Onların fikrincə, yay avtomobil səyahətləri mövsümünün başa çatması ilə neftə tələbat daha da azalacaq.
Short URL: http://www.cumhuriyyet.net/?p=30134
