Rubl sürətlə bahalaşır
Rusiya milli valyutası bu gün səhər saatlarından birjalarda güclənməyə başlayıb.
Axar.az xəbər verir ki, Rusiya Mərkəzi Bankı 25 avqust tarixi üçün dolların kursunu 68,1216 rubldan 70,7465 rubla, avronu isə 76,6709 rubldan 81,1533 rubla qaldırması fonunda rublun daha da ucuzlaşacağı gözlənilsə də, əks proses baş verib. Hazırda Moskva birjasında bir dollar 69,58 rubla (1,32 rubl ucuzlaşıb), avro isə 80,21 rubla (2,02 rubl ucuzlaşıb) düşüb. Rublun nisbətən güclənməsinə səbəb kimi dünya bazarında neftin ucuzlaşmasının dayanması və bahalaşmaya qədəm qoyması göstərilir. Hazırda dünya birjalarında VTI markalı neftin bir barreli 2,17 faiz (0,83 dollar) bahalaşaraq 39,07 dollara, “Brent” isə 2,18 faiz (0,93 dollar) qalxıb və 43,62 dollara satılır.
Hazırda birjada rublun bahalaşması davam edir.
Short URL: http://www.cumhuriyyet.net/?p=30380
