Rusiya Azərbaycan və Ermənistan üzrə xüsusi nümayəndə TƏYİN ETDİ
14.04.2022 - 20:59
ATƏT-in Minsk qrupunun rusiyalı həmsədri İqor Xovayev Rusiya xarici işlər nazirinin Azərbaycan və Ermənistan münasibətlərinin normallaşması üzrə xüsusi nümayəndəsi təyin olunub.
Cumhuriyyet.az xəbər verir ki, bu barədə Rusiya XİN-in rəsmi nümayəndəsi Mariya Zaxarova bildirib.
“Rusiya İrəvan və Bakı arasında sülh müqaviləsinin bağlanmasına töhfə vermək əzmindədir, bunun üçün xüsusi tapşırıqlar üzrə səfir İqor Xovayev yeni vəzifədə – Rusiya xarici işlər nazirinin Azərbaycan və Ermənistan arasında münasibətlərin normallaşmasına yardım üzrə xüsusi nümayəndəsi kimi fəaliyyətini davam etdirəcək”, – deyə Zaxarova vurğulayıb.
Short URL: http://www.cumhuriyyet.net/?p=173574
